POP 5

Lajmet më të lexuara të 5 minutave të fundit

Kultura

U zbulua në Amantia tre muaj më parë, Varri i Çifutit pa mirëmbajtje! Drejtori i Monumenteve në Vlorë: Po bëhen projekte, duam t’i kthejmë në atraksione

Për t’u vendosur në funksion të turizmit, monumentet e trashëgimisë kulturore, presin masa konservimi dhe mirëmbajtje. I tillë është Varri i Çifutit që u zbulua 3 muaj më parë në Parkun Arkeologjik të Amantias.

Daton në shekullin e IV Para Lindjes së Krishtit dhe është një nga destinacionet turistike më magjepsëse në vendin tonë. Parku Arkeologjik i Amantias ndodhet vetëm 40 minuta larg nga qyteti i Vlorës, i pozicionuar në lartësinë 613 metra mbi nivelin e detit, pranë fshatit Ploç.

Gjatë gërmimeve të kryera në fund të dhjetorit 2022 u zbulua varri monumental i Çifutit, por prej ditësh së largimit të arkeologëve zbulimi nuk është konservuar, ç’ka mund të sjellë dëmtimin e tij për shkak të erozionit.

“Po bëhen projekte sepse ka struktura të dëmtuara, koha dhe erozioni. Duam t’i kthejmë në atraksione për publikun. Varret monumentale i kanë patur njerëzit e mëdhenj që kanë jetuar në Amantia”, tha Orges Feimi, Drejtori i Monumenteve, Vlorë.

I trashëguar ndër breza nga gojëdhënat, me toponimin “Varri i Çifutit”, kurioziteti legjitimon zbulimin e plotë të kësaj strukture, që mendohet se daton në shekullin e III-II Para Krishtit.

“Në vitin 2022 janë bërë dy zbulime, varri i çifutit dhe një strukturë përballë stadiumit, një kompleks i qytetit të Akropolit të Amantias. Kryesisht zbulimet në Parkun e Amantias janë disa varre monumente që mendohet se i përkasin shekulli të III dhe II Para Krishtit, por për të zbuluar identitetin e tyre të plotë do të bëhen vlerësime dhe përgatitje të dokumentacionit”, thotë ai.

Pjesa më e rëndësishme dhe më e bukur për tu vizituar në këtë park, janë rrënojat e stadiumit antik të ndërtuar me blloqe gurësh, rreth shekullit të III. Po kështu dhe Tempulli i Afërditës, muret fortifikuese dhe porta me hark.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça