U zhduk 9 muaj më parë, 40-vjeçari dyshohet se bën jetë endacaku në Fier

Humbi 9 muaj më parë dyshohet se bën jetën e një endacaku. Rikthimi i historisë së 40-vjeçarit, që u zhduk më 26 shtator të një viti më parë nga Shkodra. Shenja jete për Andi Lekaj, i cili u largua me biçikletën e tij, nga banesa ku jetonte i vetëm. Në emisionin ‘Pa Gjurmë’ këtë të enjte mbërriti një informacion, nga i cili një dëshmitar pretendon, se e ka parë paraditen e së mërkurës në orën 11:00, në qytetin e Fierit.

’Në orën 11: 00, dje e kam parë tek posta qendrore në Fier tek Zogu i Zi. Ishte i pa qethur dhe i parruar. Madje pranë tij kaloi një nënë, me një fëmijë dhe ajo u tremb. Ishte i veshur keq. Ai doli në lulishten aty afër postës dhe më pas hyri mes për mes pallateve’, tha dëshmitari

Me vete mori vetëm kartën e identitetit dhe një aparat celulari, por ai del i fikur që prej ditës kur 40-vjeçari u zhduk. Andi Lekaj u largua me biçikletën e tij, e cila rezulton e zhdukur bashkë me të. Ai jetonte i vetëm dhe për këtë arsye nuk njoftoi askënd kur u largua. Familjarët kanë bërë menjëherë denoncimin në polici, por Andi Lekaj, sipas sistemit TIMS, nuk rezulton të ketë kaluar kufirin në mënyrë të ligjshme. Ditën që u zhduk Andi Lekaj kishte veshur një palë xhinse dhe një këmishë të bardhë. Është i  gjatë 170 cm, me flokë kaçurrela, te zeza  me trup të dobët.

Nëse keni informacion, jeni të lutur të lidheni me redaksinë e “Pa Gjurmë” në të gjitha format e kontaktit:
Celular: 069 99 55 698 si dhe në aplikacionet: WhatsApp dhe Viber
Telefon: 0444 17 778
Facebook: Pa Gjurmë Report TV
Youtube: Pa gjurmë Channel
Çdo ditë në ekranin e Report Tv, ora 17: 00 dhe të enjten ora 20: 55

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum