Një grua e re e quajtur Aureta Çauli u denoncua e zhdukur prej 7 ditësh në Durrës nga vëllai i saj, i cili i shqetësuar tha për mediat gjithashtu se dyshonte se ishte rrëmbyer.
Por sot raportohet se 26-vjeçarja është gjetur në Elbasan. Ajo kishte ikur me të dashurin që ishte kthyer nga Italia, me të cilin ishte njohur nëpërmjet “Facebook”-ut. Dhe nuk i kishte treguar se kishte 2 fëmijë dhe ishte e divorcuar.
"Nuk i kam thënë të dashurit që isha në proces divorci dhe kisha dy fëmijë, as familjes së tij. Ata më kanë pritur shumë mirë. Do ia tregoja në një tjetër moment.
![]()
Vëllai s’kishte pse dilte në televizor. Unë me të s’kam pasur marrëdhënie të mira. Unë ika vetë, nuk me rrëmbyen. Do shkoj prapë tek i fejuari në Labinot Katund. E dashuroj dhe nuk dua të ndahem prej tij”, ka thënë para policisë ajo.
Report Tv mëson se vendndodhja e 26-vjeçares është zbuluar pas përgjimit të celularit. Në momentet kur Çauli aktivizonte celularin, specialistët kanë bërë të mundur lokalizimin e vendndodhjes.
Nis hetimi penal për 26-vjeçaren që braktisi fëmijët 7 ditë më parë për të dashurin, kjo sipas një njoftimit zyrtar të policisë.
Njoftimi i plotë i policisë:
Policia e Durrësit lokalizon dhe gjen 26 vjeçaren që ishte larguar nga banesa.
Në vijim të informacionit për largim nga banesa të shtetases A. C., sqarojmë se:
Shërbimet e Komisariatit të Policisë Durrës, pas kallëzimit të marrë nga familjarët për largimin nga banesa të 26-vjeçares A.C., menjëherë kanë nisur kërkimet dhe veprimet hetimore.
Nga informacionet e grumbulluara si rezultat i veprimeve hetimore të kryera, më datë 27.11.2021, rreth orës 23:30, u bë gjetja dhe kapja e shtetases të shpallur në kërkim A.C., banuese në lagjen Nr. 13, Durrës.
Për këtë shtetase filloi procedimi penal sepse më datë 22.11.2021, ka braktisur 2 fëmijët e mitur dhe ishte larguar me dëshirën e saj duke bashkëjetuar me shtetasin A.K., banues në Labinot Mal Elbasan.
Materialet i kaluan në Prokurorisë pranë Gjykatës së Shkallës së Parë Durrës për veprime të mëtejshme.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Ç'TE THEMI PER NJE KRIJESE QE TRADHETON KALAMAJT PER DESHIRAT VETA.....ESHTE PER TE ARDHUR KEQ PER KALAMAJT QE KANE MUNGESE TE MEMES....I PRIVT E MBARA ME SHENDET DHE JETE TE LUMTUR.
Përgjigju