POP 5

Lajmet më të lexuara të 5 minutave të fundit

Sport

U-19/ Kombëtarja humbje përballë Turqisë

Shqipëria U-19 luajti sot ndeshjen e parë miqësore ndaj bashkëmoshatarëve të Turqisë. Në takimin e luajtur në Izmir të Turqi, kuqezinjtë e drejtuar nga trajneri Julian Ahmataj u mposhtën me rezultatin minimal 1-0.

U-19/ Kombëtarja humbje përballë Turqisë

Kombëtarja U-19

Shqipëria U-19 luajti sot ndeshjen e parë miqësore ndaj bashkëmoshatarëve të Turqisë. Në takimin e luajtur në Izmir të Turqi, kuqezinjtë e drejtuar nga trajneri Julian Ahmataj u mposhtën me rezultatin minimal 1-0.

Tekniku shqiptar hodhi në fushë këtë 11-she titullare: Amarildo Dervishaj (GK), Antonis Dhama, Fabjan Perndreca, Denis Prendi, Adi Kurti (c), Kledi Marinaj, Dejvi Metaj, Frederik Tosku, Flavio Sulejmani, Dean Vranici, Briajan Gjyla.

Ndeshja nisi e barabartë, teksa të dyja skuadrat u treguan të kujdesshme në prapavijë për të shmangur çdo rrezik. Pjesa e parë nuk prodhoi asnjë gol dhe u mbyll në barazim 0-0.

Në fraksionin e dytë Turqia gjeti golin në minutën e 53-të. Reagimi i Shqipërisë ishte i menjëhershëm dhe kuqezinjtë krijuan disa raste të mira shënimi me Arifin, Boden, dhe Sulejmanin, ndërsa në fundin e takimit Nuredini humbi mundësinë e artë për të barazuar takimin. I vetëm me portierin goditja e tij përfundoi jashtë. Në fund ndeshja u mbyll 1-0 për Turqinë U-19.

Pas dy ditësh, Kombëtarja U-19 do të zbresë sërish në fushë ku do të luajë takimin e radhës miqësor me Turqinë, po në orën 16:00.

Miqësoret janë një mundësi e mirë për grupin U-19 të kuqezinve për të kolauduar skuadrën në kuadër të impenjimeve në kualifikueset e Europianit “Rumani 2025” për këtë grupmoshë që do të luhen në vendin tonë në muajin nëntor. Shqipëria është pjesë e Grupit 11, së bashku me Izraelin, Danimarkën dhe Irlandën e Veriut dhe ka si objektiv kalimin në fazën “Elite Round”.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze