Ndërsa konflikti mes Izraelit dhe Hamasit intensifikohet, Shtetet e Bashkuara nënvizuan të dielën se, forcimi i pranisë ushtarake në Lindjen e Mesme, është realisht një masë për t’i paraprirë sulmeve të mundshme ndaj forcave amerikane. Siç njofton korrespondentja e Zërit të Amerikës, Veronica Balderas Iglesias, Shtetet e Bashkuara kanë paralajmëruar se janë gati të reagojnë me shpejtësi ndaj çdo kërcënimi të mundshëm.
Ndërsa forcat izraelite përgatiten për hapat e radhës në luftën ndaj grupit militant palestinez Hamas, shqetësimet për zgjerimin e konfliktit vazhdojnë. Në këtë kontekst, Shtetet e Bashkuara njoftuan dislokimin në rajon të sistemeve të tjera të mbrojtjes ajrore.
“Së fundmi kemi parë sulme me dronë dhe raketa ndaj bazave të trupave tona në Irak dhe Siri. Ne kemi të drejtën të mbrohemi dhe nuk do të hezitojmë për të kryer veprimet e duhura për këtë”, tha Sekretari Amerikan i Mbrojtjes Lloyd Austin, për emisionin “This week” në rrjetin ABC.
Sekretari Amerikan i Shtetit, Antony Blinken, i cili së fundit zhvilloi një sërë takimesh në Lindjen e Mesme, nënvizoi nevojën për të forcuar praninë ushtarake amerikane si një masë për t’i paraprirë sulmeve të mundshme ndaj trupave amerikane.
“Nuk duam të shohim që të hapet një front i dytë apo një front i tretë lufte. Nuk duam të shohim që të sulmohen trupat dhe personeli ynë, por nëse një gjë e tillë ndodh, ne jemi gati të reagojmë”, tha Blinken në një intervistë për programin “Meet the Press”, të rrjetit NBC.
Sa i përket ndihmave humanitare, Turqia është një prej vendeve që së fundmi dërgoi ndihmë për civilët palestinezë, por hyrja e kamionëve me ndihma në Rafah, vendkalimin mes Egjiptit dhe Gazës, ka qenë i ngadaltë, thotë drejtoresha e Programit Botëror të Ushqimit, në Organizatën e Kombëve të Bashkuara, Cindy McCain.
“Arritëm t’u jepnim vaktin e darkës rreth 200 mijë personave mbrëmjen e shkuar, por kjo nuk mjafton. Njerëzit po vuajnë nga uria, kjo është edhe një çështje e sigurisë kombëtare për rajonin”.
Ndërsa rreziku në Lindjen e Mesme është i lartë, kryetari i Komisionit Për Punët e Jashtme, Ligjvënësi republikan Michael McCaul thotë se është me rëndësi jetike që shumica republikane të zgjedhë kryetarin e Dhomës së Përfaqësuesve.
Ai foli në rrjetin ABC mbi ngërçin për zgjedhjen e kryetarit të ri pas shkarkimit të Kevin McCarthy, në fillim të tetorit.
“Gjërat po shkojnë keq. Kjo që po bëjmë është e rrezikshme dhe mbi të gjitha na fut në vështirësi, pasi fuqizon kundërshtarët tanë”, u shpreh ai.
Pavarësisht urgjencës për zgjedhjen e kryetarit të ri të Dhomës së Përfaqësuesve, McCaul tha se nuk e dinte nëse një gjë e tillë mund të ndodhë gjatë kësaj jave./VOA
Komente
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44
Ku jan klerikët fetar që spo dhan kshilla si ti qetsojm Vajtust,a po bindeni npraktik çfar vuajtjesh i sjellin Njerëzimt,athua more vlla a dot tentojn ndonjiher të bahenë Njerëzor?
Përgjigju