POP 5

Lajmet më të lexuara të 5 minutave të fundit

Kultura

“Udhëtim në dimër” i Schubert, krijimi i parë i Angjelin Preljocajt me trupën e La Scala-s

Koreografi me origjinë shqiptare, Angjelin Preljocaj do të prezantojë krijimin e parë “Udhëtim në dimër” nga Schubert, për trupën e Teatrit të La Scala-s. Baleti krijohet mbi muzikën e dhomës, duke ndërtuar një lidhje intime me pak elementë, balerinë, pianistë dhe këngëtarë.

Winterreise (Udhëtim në dimër) e Franz Schubert ngjitet në skenë për herë të parë nga koreografi me origjinë shqiptare Angjelin Preljocaj në Teatrin e La Scala-s. Vepra vjen si një udhëtim i brendshëm i shpirtit në dimër. Angelin Preljocaj, artist energjik dhe i ndjeshëm, kthehet për të punuar me trupën e baletit të La Scala-s pas disa vitesh bashkëpunim, por për herë të parë me një krijim, që e ka realizuar enkas për këtë teatër

Është hera e parë që krijoj për Trupën e Baletit të Teatrit “La Scala”. Kam pranuar, sepse tanimë është krijuar një histori me koreografitë e mia të kërcyera në këtë Teatër.  “Le parc”, “Annonciation”, “La stravaganza” kështu që ekziston një lloj bashkëpunimi dhe afrimiteti me kompaninë.  Muzika e këtij projekti është cikli i Lieder “Winterrise” i Schubert, një kryevepër e vërtetë. Kam dashur prej kohësh të punoja rreth kësaj perle muzikore dhe “La scala” është vendi ideal. Mendoj se udhëtari i Ëinterrise është një njeri që i dorëzohet melankolisë dhe e lë veten të shkojë gati pranë vdekjes..., ose që më së paku ëndërron ta bëjë diçka të tillë, kjo ngjallte shumë interes tek mua.

Koreografi, Angjelin Prelocaj

Koha e ngadaltë, dëshpërimi prej dashurisë, si një fantazmë  e përhumbur që endet në të gjithë pjesën. Pastaj formula e “La Scalës” ku baletet që krijohen mbi muzikën e dhomës, duke ndërtuar një lidhje intime me pak elementë, balerinë, pianistë, këngëtarë e kanë joshur edhe më shumë Prelocajn.

Punoj me trupën e “La scalës” njësoj si me timen, ka shkëmbim të plotë, kuriozitet dhe bashkëpunim. Të gjithë bëhen pjesë e punës kreative, edhe pse mund të një pjesë solo e mëson secili prej balerinëve. Në këtë mënyrë stili bëhet pjesë e memories muskulore dhe më pas ndahen rolet  në bazë të  zhvillimit të secilit balerin . Kështu roli fitohet dhe interpretohet nga solisti përkatës. Dhe është kjo pjesë që mua më intereson sesi çdokush do të “shtijë në dorë” rolin e tij.

Koreografi, Angjelin Prelocaj

Artistët e Scala-s do të zhyten në atmosferën dhe muzikën emocionale të Lieder nga Schubert, duke bërë, që emocionet që dalin nga kjo përzierje magjike e fjalës, muzikës dhe baletit të bëjnë për vetë artdashësit, që do të shohin veprën në skenë prej datës 24 janar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Egnatia pranë historisë, Edlir Tetova: Duam trofeun

Egnatia pranë historisë, Edlir Tetova: Duam trofeun

26 Dhjetor, 10:18