UEFA organizoi pak ditë më parë Konferencën Vjetore të Sigurisë “Sharing the Stage”, që këtë vit u mbaj në Stamboll të Turqisë. Ky event i UEFA-s zhvillohet një herë në vit para nisjes së sezonit të ri futbollistik me objektivin e shkëmbimit të informacioneve mbi praktikat më të mira, ndërmjet oficerëve të sigurisë së klubeve dhe policisë dhe përgatitjet për ato që na presin më tej.
Në këtë aktivitet morën pjesë rreth 440 pjesëmarrës nga të 55 vendet e Evropës, anëtare të UEFA, kryesisht oficerë sigurie të federatave si dhe të klubeve të Futbollit që marrin pjesë në ndeshjet e kupave të Evropës (Champions, Europa dhe Conference league), zyrtarë të organeve kryesore të politikave të futbollit që punojnë bashkë me sektorët e sigurisë dhe organizimit të ndeshjeve të UEFA, vëzhgues, përfaqësues të policive dhe rrjetit të NFIP (pikave kombëtare për shkëmbimin e informacionit për ndeshjet e futbollit).
Nga Shqipëria në këtë aktivitet morën pjesë Armando Mandro, Oficeri i Sigurisë në FSHF si dhe Agron Çeli, Shef i Sektorit të Rendit në Policinë e Shtetit dhe Pika Kombëtare e Shkëmbimit të Informacionit për Ndeshjet e Futbollit, NFIP Albania.
Konferenca u përshëndet nga Presidenti i UEFA, Aleksandër Ceferin, nëpërmjet një video-mesazhi, i cili në fjalën e tij përmendi rëndësinë e këtij aktiviteti, problemet e hasura gjatë finales së Champions League të Parisit dhe rëndësinë e bashkëpunimit dhe bashkërendimit të gjithë aktorëve që përballen me operacionet menaxhimit të sigurisë në ndeshjet e futbollit.
Një vend i veçantë ju kushtua nëpërmjet shfaqjes së videove dhe diskutimeve që përfshinin një rishikim të detajuar të operacioneve të sigurisë të finales së parë historike të UEFA Conference League që u zhvillua në Tiranë në muajin maj 2022. Ekspertët vlerësuan faktin që pavarësisht se ishte eventi i parë i këtyre përmasave që zhvillohej në Tiranë dhe mungesës së përvojës, kjo finale ishte një sukses i vërtetë në aspektin e organizimit, mbrojtjes dhe sigurisë. Një tjetër konfirmim nga ana e UEFA-s që e ka vlerësuar maksimalisht bashkëpunimin me Federatën Shqiptare të Futbollit si partner, jo vetëm në një event të një rëndësie kaq të lartë siç ishte finalja e Conference League, por edhe në aktivitete apo turne ndërkombëtare gjatë viteve të fundit që mirëpritur nga FSHF. Një organizim perfekt falë punës së madhe të bërë nga FSHF, që nga aplikimi e deri në përfundim të finales, që i hap rrugën në të ardhmen edhe pritjes së eventeve të mëdha ndërkombëtare në bashkëpunim me UEFA-n.
Folësit kryesorë të paneleve ishin Frank Wijnveld, Steve Furnham, Lukasz Nalewaj, Eddie Smith, oficerë të sigurisë së UEFA dhe pjesëmarrës në operacionet e sigurisë së finaleve veçanërisht në Tiranë, ku shpjeguan procesin e organizimit, koordinimit dhe bashkëveprimit me FSHF, Policinë e Shtetit dhe aktorët e tjerë të sigurisë, duke filluar nga trajnimet me punonjësit e sigurisë private stjuart, me policinë dhe trajnimet e përbashkëta, procese që ndikuan në suksesin e finales së Conference League në aspektin e sigurisë.
Në përfundim të punimeve u diskutua mbi informacionet dhe shkëmbimin e praktikave me te mira për ndeshjet e ardhshme të kompeticioneve evropiane./FSHF
Lajme të tjera
-
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Kalendari/ Kryesuesit luajnë në shtëpi, spikat AF Elbasani - Tirana! Superliga rikthehet në dy ditë
21 Nëntor, 09:41 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Shorti më 22 nëntor, skuadrat çerekfinaliste dhe verdiktet e plota në Ligën e Kombeve
20 Nëntor, 17:44 -
Dështimi në Ligën e Kombeve dhe formacioni, përplasje në Kombëtare! Kapiten Ismajli e Uzuni dalin publikisht kundër Sylvinhos
20 Nëntor, 16:43
