UEFA zyrtarizon kandidatët për president dhe anëtarë të Komitetit Ekzekutiv, Armand Duka në garë për mandatin e dytë

UEFA ka zyrtarizuar sot listën përfundimtare të kandidaturave për postin e Presidentit të UEFA-s dhe anëtarëve të Komitetit Ekzekutiv të UEFA-s, që do të zgjidhen në Kongresin e 47-të të zakonshëm të UEFA-s. Kongresi do të mbahet në Lisbonë të Portugalisë më datën 5 prill 2023.

UEFA bën me dije se të gjithë kandidatët iu nënshtruan një kontrolli të përshtatshmërisë të kryer nga një komitet zgjedhor i përbërë nga anëtarë të Komitetit të Qeverisjes dhe Pajtueshmërisë së UEFA-s dhe të gjithë e kaluan me sukses këtë kontroll të përshtatshmërisë.

Në garë për t’u rizgjedhur si anëtar i Komitetit Ekzekutiv të UEFA-s është edhe Presidenti i FSHF-së, Armand Duka, i cili garon për një mandat të dytë. Janë 13 kandidatë që do të garojnë për 9 vende e Komitetit Ekzekutiv të UEFA-s. Kandidati i vetëm për postin e Presidentit të UEFA-s është Aleksandër Ceferin, i cili pritet të rizgjidhet në këtë post për një tjetër mandat.

 

1. a) Kandidati për postin e presidentit të UEFA-s (për një mandat 4-vjeçar):

	Mbiemër	Emër	Vendi
1.	Čeferin*	Aleksander	Sllovenia

* kandidim për rizgjedhje

1. b) Kandidate për një pozicion femër si anëtare në Komitetin Ekzekutiv të UEFA-s (për një mandat 4-vjeçar):

	Mbiemër	Emër	Vendi
1.	McAllister	Laura	Uells

1. c) Kandidatët për shtatë pozicione anëtarësh në Komitetin Ekzekutiv të UEFA-s (për një mandat 4-vjeçar – në rend alfabetik):

	Mbiemër	Emër	Vendi
1.	Christensen*	Jesper Møller	Danimarkë
2.	Diallo	Philippe	Francë
3.	Duka*	Armand	Shqipëri
4.	Fousek	Petr	Republika Çeke
5.	Klaveness	Lise	Norvegji
6.	Kobiashvili	Levan	Gjeorgji
7.	Pavelko*	Andrii	Ukrainë
8.	Petrie	Rod	Skoci
9.	Quaderer	Hugo	Lihtenshtejn
10.	Rubiales*	Luis	Spanjë
11.	Vassallo	Björn	Maltë

* kandidim për rizgjedhje

1. d) Kandidat për një pozicion si anëtar në Komitetin Ekzekutiv të UEFA-s (për një mandat 2-vjeçar):

	Mbiemër	Emër	Vendi
1.	Watzke	Hans-Joachim	Gjermani

S.DH/Shqiptarja.com

TAG:
• uefa
• Armand Duka
• Aleksandër Ceferin
• fshf