Ukrainë, shpërthen depoja e
municioneve,mediat:Sabotim Rus

Rreth 30 mijë vetë janë evakuuar nga një zonë qendrore e Ukrainës, pasi një depo municionesh, ku ishin magazinuar rreth 188 mijë tonë municione, u përfshi nga flakët gjatë natës.
 
Nuk dihet ende se si nisi zjarri, ndërsa dy gra nënjë fshat pranë zonës u dërguan në spital me plagë të shkaktuara nga predhat.
 
Në depon e armatimeve në Kalinovka, pranë Vinnytsias, magazinoheshin si predha edhe municione armësh të tjera.
 
Depoja është më e madhja e armatimeve në vend, duke bërë që mijëra predha të fluturonin në ajër ndërsa pas ngjarjes u mbyll edhe hapësira ajrore mbi qytetin Vinnitsa.
 
Pavarsisht se nuk dihet ende shkaku i zjarrit mediat lokale flasin për një sabotim  të planifikuar nga Rusia.
 
Një gazetar dhe kryeredaktor i “Censor.net” pretendoi se ishte zjarrvënie e qëllimshme dhe drejtoi gishtin nga Rusia, duke thënë se “ishte një dhuratë ditëlindjeje nga Vladimir Putin, për homologun kundërshtar Petro Poroshenko, i cili mbushi 52 vjeç të martën”.

Redaksia Online
J.Sh Shqiptarja.com