Ukraina dhe Rusia këmbejnë sërish të burgosurit

Presidenca ukrainase tha të martën se 32 ushtarë të saj janë liruar në kuadër të këmbimit të të burgosurve me Rusinë.

“Sot ka ndodhur një tjetër këmbim i të burgosurve. Ne kemi arritur të lirojmë 32 ushtarë tanë dhe të marrim trupin e shtetasit izraelit, Dmytro Fialka," ka thënë Andriy Yermak, shef i Zyrës së Presidencës ukrainase, përmes një postimi në rrjetet sociale.

LEXO EDHE:
Sulm me dron në portin rus, raportohet për viktima dhe të plagosur

Yermak  tha se të gjithë ushtarët e liruar kanë qenë “në zonat e luftimeve të ashpra” dhe disa prej tyre janë konsideruar të zhdukur. Ata janë duke marrë trajnimet mjekësore dhe do të bashkohen më pas me familjarët e tyre.

Shtetasi izraelit, Dmytro Fialka, 39-vjeç, u qëllua për vdekje në shtator ndërsa luftonte krah forcave ukrainase kundër ushtrisë ruse. Nuk ishte e qartë se ku u vra. Ai jetonte në Ukrainë në dy vitet e fundit, pasi ishte i martuar me një grua ukrainase me të cilin ka fëmijë. Thuhet se Fialka ka punuar në një klub futbolli për fëmijët në Lviv, para se të bëhej vullnetar për shërbim ushtarak.

Lajmi kryesor:

Biden: Putin një person racional që llogariti gabim pushtimin e Ukrainës! Rusia: Të hapur për bisedime me SHBA! Zelensky: S’mund të ketë dialog

S.C/Shqiptarja.com

TAG:
• lufta ne ukraine
• rusia sulmon ukrainen