Bisedimet midis presidentit ukrainas Volodymyr Zelensky dhe zëvendëspresidentit të Shteteve të Bashkuara të Amerikës, JD Vance, përfunduan në Munih të premten (14 shkurt) pa njoftimin e një marrëveshjeje për mineralet e rralla që është kyçe në përpjekjen e Kievit për të fituar mbështetjen e presidentit Donald Trump.
Kievi të premten ia dorëzoi SHBA-së “draftin e rishikuar” që hap burimet e mëdha të mineraleve në Ukrainë për investimet amerikane. Të mërkurën, Amerika ia kishte dorëzuar Ukrainës draftin, por zyrtarët ukrainas kanë thënë se kanë përpunuar disa detaje.
“Ekipet tona do të vazhdojnë të punojnë për dokumentin”, shkroi Zelensky në “X”, duke shtuar se pati një “takim të mirë” me Vancein dhe se Kievi është “gati të lëvizë sa më shpejt që të jetë e mundur drejt një paqeje të vërtetë dhe të garantuar”.
Dy anëtarë të delegacionit ukrainas i thanë Reutersit se “disa detaje” ende duhet të përpunohen.
Nuk është e qartë se cila ishte pika e mosmarrëveshjes, por Ukraina po kërkon garanci të forta sigurie nga Evropa dhe Shtetet e Bashkuara që do ta mbronin atë nga Rusia në të ardhmen nëse arrihet marrëveshje paqeje.
Javën e kaluar, Zelensky ka thënë se po ofron partneritet reciprokisht të dobishëm për t’i zhvilluar mineralet bashkë me SHBA-në, por jo t’i ndajë ato.
Mineralet përfshijnë lloje të xeheve të rralla, si dhe titan, uranium dhe litium ndër të tjera.
Trumpi, i cili nuk është zotuar për vazhdimin e ndihmës jetike ushtarake për Ukrainën, ka thënë se donte 500 miliardë dollarë minerale të rralla nga Kievi nëse duan që ndihma amerikane të vazhdojë.
I pyetur më herët nëse një marrëveshje do të arrihet të premten, Vance u shpreh: “Le të shohim”.
Ukrainës iu prezantua projekt-marrëveshja për mineralet e hartuar nga SHBA-ja të mërkurën kur sekretari i Financave Scott Bessent udhëtoi për në Kiev. Zelensky ka thënë se Ukraina do ta studiojë me qëllim që të arrihet marrëveshja në Munih.
Bessent ka thënë se plani i administratës Trump për t'i dhënë fund luftës do të ndërthurte ekonomitë e Ukrainës dhe SHBA-së, duke sjellë “praktikat më të mira” të privatizimit.
“Një pjesë e kësaj fillon me ndërthurjen e ekonomisë ukrainase me SHBA-në dhe sigurimin që taksapaguesit amerikanë të marrin kthim për paratë që investuan”, u shpreh Bessent.
Komente
Lajme të tjera
-
Tesla tërheq 46 mijë makina Cybertruck për shkak të një defekti
20 Mars, 17:41 -
BE shtyn tarifat ndaj SHBA-së deri në mes të prillit
20 Mars, 17:32 -
Mbi 200 letrat e Churchill për presidentin Roosevelt dhe pasioni për demokracinë dhe paqen
20 Mars, 16:28
-
'Simbol i zyrës ovale prej gjysmë shekulli'/ Trump 'nuk kursen' as bimën e famshme 'Swedish ivy', e heq nga 'Shtëpia e Bardhë
20 Mars, 15:59 -
Lakers fiton duelin kundër Denver, Oklahoma në krye të renditjes! 'K.O' Chicago dhe Miami
20 Mars, 14:14 -
Berisha i vendosur për ta shkrirë SPAK-un: Do bëjmë reformë të drejtësisë me ndihmën e Venecias dhe aleatëve tanë! Thotë se do imitojë edhe Elon Musk
20 Mars, 13:16 -
Telefonata e papritur e Macron gjatë një konference, presidenti ukrainas: Më falni Emmanuel, mund t’iu telefonoj për 15 minuta? (VIDEO)
20 Mars, 12:03 -
Inteligjenca amerikane ‘rrëzon’ pretendimin e Putin: Ushtria ukrainase nuk është e rrethuar në Kursk
20 Mars, 11:48 -
Britania e Madhe ‘injoron’ paralajmërimin e Putin, mbahet sot takimi për planin paqeruajtës në Ukrainë
20 Mars, 07:57 -
‘Nëse do zbatonin letrën e Putin në 1997 baza e Kuçovës nuk do ndërtohej’/Meçollari tregon skenarët kur NATO mund të hyjë në luftë me Rusinë
19 Mars, 22:23 -
Mbyllja e 'Zërit të Amerikës' me urdhër të Trump, Keida Kostreci: U bëmë një dritare shprese për qytetarët në mbarë botën
19 Mars, 22:01 -
Zhvillimet e SHBA-Ukrainë/ Koçi për Repolitix: Ka ndryshuar raporti i SHBA me Evropën, Trump nuk e sheh Rusinë si agresorë
19 Mars, 21:44
