Forcat ukrainase thonë se kanë shkatërruar një anije raketore ruse nga Flota e Detit të Zi në një operacion special në Krimenë e pushtuar nga Rusia. Ivanovets, një anije e vogël luftarake, mori “goditje të drejtpërdrejta” gjatë natës, pas së cilës u mbyt, tha inteligjenca ushtarake.

Ajo ka publikuar pamjet video që pretendon se tregojnë momentin e përplasjes, të ndjekur nga një shpërthim i madh. Nuk ka asnjë reagim për incidentin nga autoritetet ruse. Megjithatë, blogeri ushtarak rus “Voenkor Kotenok” shkroi në Telegram se anija ishte fundosur pasi u godit tre herë nga dronët detarë.

Disa veçori të dukshme në anije sipas videos ukrainase përputhen me ato të Tarantul, ose Projekti 12411, një klasë anije raketash të operuara nga marina ruse dhe të tjera, të cilës i përket Ivanovets.

Drejtoria kryesore e Inteligjencës e Ukrainës tha se anija u shkatërrua nga ushtarët e njësisë së saj speciale “Grupi 13” në liqenin Donuzlav, një gji me ujë të kripur në anën perëndimore të gadishullit të Krimesë, i cili strehon një bazë detare.

“Si rezultat i një sërë goditjesh direkte, anija ruse pësoi dëmtime të mëdha që pengonin lëvizjen e mëtejshme. Ivanovets u mbyt”, shkroi Drejtoria kryesore e Inteligjencës e Ukrainës në Telegram.

Një operacion rus i kërkim-shpëtimit në zonë ishte i pasuksesshëm. BBC shkruan anija kishte një vlerë prej 60-70 milion dollarë. Zyrtari i Ministrisë së Jashtme Olexander Scherba e përshkroi sulmin si “mbresëlënës”.

“Në orën 03:45 ishte goditja e parë dhe në 04:00 i gjithë ekuipazhi u evakuua. Kështu që nuk kishte asnjë shans që kjo anije të shpëtohej", tha ai për BBC.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera