Ukraina: Po vazhdojmë të zmbrapsim sulmet e forcave ruse

Në përditësimin e tij të mëngjesit, Shtabi i Përgjithshëm i Forcave të Armatosura të Ukrainës thotë se trupat e tij po vazhdojnë të zmbrapsin sulmet e forcave ruse në kryeqytetin Kiev..

Ushtria e Ukrainës tha se forcat ruse kanë përjetuar vështirësi në rimbushjen e personelit cilësor dhe për të mbështetur humbjet e pësuar gjatë pushtimit, pjesërisht për shkak të ndikimit të sanksioneve ndërkombëtare.

Po ashtu pretendoi se pajisjet ruse ishin në "gjendje të keqe teknike" për shkak të "shfrytëzimit të mëparshëm të pakujdesshëm dhe ruajtjes së zgjatur".

Megjithatë, kjo nuk e ka ndaluar Rusinë që të vazhdojë të sulmojë dhe të shkaktojë dëme në forcat ukrainase, shtoi përditësimi.

Forcat ukrainase pretendojnë se Moska ka vendosur njësi maksimale në territorin e Krimesë të kontrolluar pjesërisht nga Rusia, së bashku në zonat e rajoneve Kherson , Zaporizhzhia , Mariupol dhe Donetsk , në mënyrë që të "shtypë rezistencën e banorëve".

Në rajonet Donetsk dhe Luhansk, forcat ukrainase zmbrapsën sulmet ruse dhe shkatërruan 8 tanke dhe 11 njësi të pajisjeve të automjeteve të armikut.

Përditësimi pretendonte se njësitë e mbrojtjes ajrore të Ukrainës rrëzuan 3 avionë dhe 3 mjete ajrore pa pilot (UAV) që i përkisnin Rusisë.

 

Lajmi kryesor:

Shpërthime në Lviv, pesë të plagosur! Rusët godasin një reaktor bërthamor kërkimor në Ukrainë! Biden në Poloni: Putin diktator, nuk mund të qëndrojë në pushtet! Kremlini: S'e vendos ti kush udhëheq

G.B./Shqiptarja.com

TAG:
• ukraine
• Rusi
• rusia sulmon ukrainen