POP 5

Lajmet më të lexuara të 5 minutave të fundit

Bota

Ukrainë, hakerët rusë sulmojnë ‘Burisma’, kompania ku zë fill hetimi i Trump

Sipas 'New York Times', hakerët rusë kanë hyrë në sistemet e ‘Burisma’, kompani me të cilën bashkëpunoi djali i Bidenit. Ata ndoshta kanë kërkuar materiale kompromentuese për familjen e Joe Biden

Ukrainë, hakerët rusë sulmojnë ‘Burisma’, kompania ku zë fill hetimi i Trump

Sipas 'New York Times' hakerët rusë që i përkasin një njësie të inteligjencës kanë nisur një sulm kibernetik kundër ‘Burisma’, ndërmarrjes ukrainase të gazit e cila është në qendër të fajësimit të Presidentit Donald Trump.

Sulmi ndaj Burisma, ndërmarrja ku Hunter Biden, djali i ish-kandidatit demokrat për President i SHBA Joe Biden  punoi dhe mbi të cilën Trump i kërkoi Kievit të hapte një hetim, ka filluar që në muajin nëntor, kohë kur edhe nisi Ukraina Gate dhe debati i fajësimit për presidentin amerikan.

Nuk dihet se çfarë kërkonin saktësisht hakerat rusë dhe çfarë gjetën por sipas New York Time "koha dhe shtrirja e sulmit sugjerojnë që rusët kanë kërkuar materiale potencialisht kompromentuese për familjen Biden.

Taktika e përdorur nga hakerët rusë është tepër e ngjashme me atë të sulmit kibernetik të nisur gjatë zgjedhjeve presidenciale amerikane të vitit 2016 kundër demokratëve dhe Hillary Klinton.

Në dhjetor Dhoma e Përfaqësuesve në Kongresin amerikan ka miratuar mocionin e fajësimit, i ndarë në dy akuza ndaj Presidentit amerikan.

Akuza e parë, "shpërdorimi i pushtetit" ka mori 230 vota pro dhe 197 kundër. Akuza e dytë, ‘pengimi i hetimeve të kongresit’, u miratua me 229 pro dhe 198 kundër. 

Demokratët, në shumicë në Dhomë, e dërguan presidentin përsëri në Senat, ku pjesa e dytë e impeachment do të fillojë më 6 janar, dhe ku do të jepet vendimi përfundimtar, fajtor apo i pafajshëm? Nëse më pak se dy të tretat e senatorëve votojnë për ta shpallur atë fajtor, presidenti amerikan do të mbetet në detyrë. Përkundrazi, nëse 67 përqind e dënojnë atë, Trump do të shkarkohet dhe posti i presidentit i kalon Zv/presidentit.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51