Ulen temperaturat, malësia e Krujës dhe Dibrës zbardhet nga dëbora! Nuk ka probleme me qarkullimin (VIDEO)

Në fshatin e thellë malor Turaj të Kukësit, bora dhe erërat e forta kanë sjellë probleme në rrjetin elektrik, duke lënë pa energji rreth 20 familje.

Telat e këputur e të bashkuar mes tyre kanë vështirësuar furnizimin, ndërsa ekipet e OSHEE-së janë ngjitur në terrenet e vështira në zonë dhe po punojnë pa ndërprerje mes dëborës për të riparuar defektet.

Sipas Drejtorisë Rajonale të OSHEE Kukës, reshjet e dëborës në të gjithë zonën e qarkut Kukës kanë rritur vështirësitë në terren, por grupet janë në gatishmëri të plotë për të garantuar furnizimin me energji edhe në këto kushte ekstreme.

Ndërkohë, OSHEE Kukës thekson se i gjithë territori i qarkut Kukës, përveç zonës së prekur, furnizohet normalisht me energji elektrike. Në Turaj aktualisht po punohet për rikthimin e energjisë.

Vetëm një ditë pas shembjes se një masivi shkëmbor dhe dherave në aksin rrugor Qukës-Qafë Pllocë autoritetet kontraktore diten e sotme po bëjnë fortifikimin e mureve anësore dhe vendosjen e rrjetave në zonën ku ndodhi rrëshqitja.

Prej mëngjesit të sotëm grupet e punës kanë bëre të mundur largimin e nje pjese të inerteve që kishin zënë njërën nga 3 korsitë. Edhe në pjesë të tjera të këtij segmenti paraqitet rrezikshmëri për rrëshqitje të dheut për shkak të formatit strukturor dhe gjeologjisë së zonës.

Aksi rrugor Qukës-Qafe Pllocë u inagurua vetëm 28 ditë më parë.

Për shkak të reshjeve të shiut që kanë përfshirë të gjithë vendin tonë, në Vlorë është ndaluar lundrimi për disa mjete.

Sipas një njoftimi zyrtar anijet e vogla lundruese dhe ato të peshkimit nuk do të lejohen të lundrojnë. Ndërkohë bëhet me dije se do të vazhdojnë të operojnë normalisht tragetet sipas destinacioneve të tyre përkatëse.

Njoftimi i plotë:

Në bazë të parashikimit për situatën hidrometeorologjike të përkeqësuar brenda dhe jashtë gjirit të Vlorës, gjatë datave 03-04.10.2025 duke filluar nga ora 14:00 datë 03.10.2025 në drejtimin VERI-VERI-PERËNDIM në forcën deri 6-7bft me shpejtësi ere deri 15-20m/s dhe lartësi dallge nga 1.50 deri 2.50 metra, kërkojmë :

1. Është ndaluar pajisja me leje-nisje i mjeteve të vogla lundruese dhe ato të peshkimit të cilat duan të operojnë jashtë gjirit të Vlorës në det të hapur duke filluar nga ora 14:00 datë 03.10.2025.

2.Të gjithë drejtuesit e mjeteve të vogla lundruese dhe anijeve të peshkimit që operojnë brenda dhe jashtë gjirit të Vlorës të marin në konsideratë kushtet hidrometeorologjike dhe marjen e masave për sigurimin e tyre.

3. Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve dhe institucioneve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.

4.Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse.

 5.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 06:00 të datës 04.10.2025.

Që prej ditës së djeshme vendi ynë është përfshirë nga moti i keq, ku në pjesën më të madhe ka mbizotëruar shiu dhe në verilindje, aktualisht 1000 m mbi nivelin e detit ka rënë dëborë.

Po si paraqiet situata në qarkun e Shkodrë?

Sipas një njoftimi, Prefekti i Qarkut informon se në të pestat bashkitë (Shkodër, Malësi e Madhe, Vau Dejës, Pukë dhe Fushë Arrëz)  nuk janë raportuar problematika.

Të gjitha rrugët janë të kalueshme, teksa nuk raportohet probleme me furnizimin me energji elektrike.

Reshjet e borës kanë përfshirë pjesën më të madhe të teritorit të Bashkisë Dibër dhe Bulqizë.

Gjatë natës dëbora ka zbritur deri në 700 m mbi nivelin e detit deri në afërsi të qytetit të Peshkopisë dhe Bulqizës.

Trashësia në zonat e larta si Lura, Selishta, Kalaja e Dodës arrin mbi 20 cm, ndërkohë temperaturat kanë zbritur në 1°C në qytet, ndërsa në Lurë -5°C.

Sa u përket akseve rrugore nuk raportohen probleme të qarkullimit të automjeteve.