POP 5

Lajmet më të lexuara të 5 minutave të fundit

Kronikë

Ulëz,banorët protestë për shitjen
e HEC-eve: Bojkotim zgjedhjeve

Një ditë para mbylljes së kontratës me kompaninë turke KURUM, e cila do të votohet të hënën në Parlament, banorët e komunës Ulëz në Mat kanë protestuar në lidhje me shitjen nga ana e qeverisë së 4 hidrocentraleve, Bistrica 1, Bistrica 2, Ulëz, Shkopet.
MAT - Një ditë para mbylljes së kontratës me kompaninë turke KURUM, e cila do të votohet të hënën në Parlament, banorët e komunës Ulëz në Mat kanë protestuar gjatë ditës së sotme në lidhje me shitjen nga ana e qeverisë së 4 hidrocentraleve, Bistrica 1, Bistrica 2, Ulëz, Shkopet.

Banorët, ish-punëtorë të HEC-eve, kërcënuan se nëse do të mbyllet përfundimisht kontrata atëherë do të bllokojnë rrugën nacionale Burrel-Tiranë dhe do të bojkotojnë zgjedhjet më 23 Qershor. Ata shprehen se kanë prona pranë HEC-eve.

Korrespondenti i televizionit A1 REPORT, Daniel Shehu, informoi nga vendngjarja se sindikata e punëtorëve e kishte paralajmëruar dje këtë tubim, i cili u zhvillua sot në qendër të Ulzës. Me qindra banorë, edhe nga zona e Milotit dhe e Laçit kundërshtuan me forcë shitjen e HEC-eve.

I pranishëm në këtë tubim ishte edhe deputeti i zonës i Partisë Socialiste, Qemal Minxhozi i cili i premtoi banorëve se grupi socialist do të kundërshtojnë privatizimin me çmimin që do t’i shesë qeveria,
por edhe specialistë të hidrocentraleve të Ulzës e Shkopetit, cilët shprehen se qeveria ka abuzuar me tenderat.

Sipas korrespondentit, shoqata e punëtorëve në hidrocentralin e Ulzës ka paralajmëruar se në të ardhmen, mund të intesifikojnë tubime të tjera. Ndërkaq, nuk ka pasur incidente apo konfrontime me forcat e policisë.

Para tre ditësh në Komisionin e Ekonomisë u miratua vetëm me votat e mazhorancës lidhja e kontratës me kompaninë turke KURUM, e cila fitoi tenderin për blerjen e tyre, ndërsa nesër Parlamenti do votoje për përmbylljen e kontratës, e cila kërkon 80 +1 % të votave. Opozita e ka kundërshtuar privatizimin e HEC-eve, e cila më 28 shkurt të këtij viti bojkotoi mbledhjen e Komisionit të Ekonomisë.

Ndërsa përkundrejt akuzave të Partisë Socialiste, zv/ministri i Energjetikës, Eno Bozdo ka deklaruar se 4 HEC-et po privatizohen me çmim 10 herë më të lartë se 15 hidrocentralet e privatizuara në kohën e socialistëve.

Kontrata me kompaninë turke, u nënshkrua pak javë më parë nga Ministria e Ekonomisë, ku KURUM ofroi shifrën prej 109.5 milionë euro.

Redaksia Online
(Gre.M/Shqiptatja.com)

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Bes Kallaku dhe Xhensila Myrtezaj zyrtarisht të divorcuar! Zbardhet vendimi i gjykatës: Aktori duhet t’i paguajë çdo muaj 1mijë euro këngëtares për fëmijët

Bes Kallaku dhe Xhensila Myrtezaj zyrtarisht të divorcuar! Zbardhet vendimi i gjykatës: Aktori duhet t’i paguajë çdo muaj 1mijë euro këngëtares për fëmijët

22 Janar, 15:53