Uli avionin pasi i shpërtheu motori, pasagjerët e quajnë heroinë

Uli avionin pasi i shpërtheu motori, pasagjerët e quajnë heroinë

Pilotja që arriti të ulë avionin e kompanisë “Southwest Airlines”, pasi një prej motorëve të tij shpërtheu, po konsiderohet si heroinë nga pasagjerët që ajo shpëtoi.

Tammie Jo Shults kreu një ulje emergjence në Aeroportin e Philadelphias dhe mundi të shpëtojë me dhjetëra njerëz në bordin e avionit.

Shults mori kontrollin e mjetit fluturues, kur një prej motorëve shpërtheu. Si pasojë e shpërthimit, një nga dritaret e avionit u thye dhe pasagjerja e ulur aty thuajse u thith jashtë avionit nga presioni i lartë.

Fatkeqësisht, pasagjerja ndërroi jetë për shkak të një infarkti, por pilotja shpëtoi 149 personat e tjerë në bord.

Tammie Jo Shults shërbeu në Marinë për 10 vite, ku drejtonte avionë luftarakë. Ajo e la shërbimin pasi arriti gradën e nënkomandantit dhe ishte një nga femrat e para, që kaluan nga ushtria në aviacionin civil.

Pasagjerët e avionit që shpëtuan për mrekulli përgëzuan tej mase kapitenen Shults dhe sugjeruan që ajo të marrë medalje. Madje, disa prej tyre e krahasuan me kapitenin Chelsey Sulenberger, i cili uli avionin me motorë të dëmtuar mbi lumin Hudson në vitin 2009.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet