Unazë fejese për Halle Berry

Mediat amerikane kanë publikuar fotot e Halle Berryt me unazën e fejesës në dorë, duke përhapur thashetheme se aktorja është fejuar me të dashurin Olivier Martinez. Halle Berry dhe Martinez janë takuar gjatë xhirimeve të filmit “Dark Tide” dhe që atëherë kanë patur një lidhje dashurore, por duket se vetëm tani kanë vendosur ta finalizojnë. Siç raporteve mediatike, as aktorja dhe as i dashuri i saj, nuk kanë dashur të komentojnë këto thashetheme, prandaj nuk mund të flitet as për dasmë. Martinez vjen në këtë lidhje pas një historie katër vjeçare me këngëtaren Kylie Minogue, me të cilën u nda në vitin 2007.