POP 5

Lajmet më të lexuara të 5 minutave të fundit

Politikë

Uniformat, Qeveria: Tenderi i
hapur, u mor mendimi i policëve

Qeveria ka reaguar ndaj akuzave që opozita ngriti këtë të mërkurë për tender korruptiv të uniformave të policisë së Shtetit. Në një deklaratë sqaruese publikuar në faqen Transparenca.al, qeveria thotë se shpallja e tenderit është bërë në mënyrë transparente ku gara mes katër kompanive ofertuese u mbyll më 1 dhjetor 2015. 
Uniformat, Qeveria: Tenderi i<br />hapur, u mor mendimi i policëve
TIRANE - Qeveria ka reaguar ndaj akuzave që opozita ngriti këtë të mërkurë për tender korruptiv të uniformave të policisë së Shtetit. Në një deklaratë sqaruese publikuar në faqen Transparenca.al, qeveria thotë se shpallja e tenderit është bërë në mënyrë transparente ku gara mes katër kompanive ofertuese u mbyll më 1 dhjetor 2015. Sipas kryeministrisë, kompania bashkimi i operatorëve “YAKUPOGLU TEKSTIL VE DERI SAN.TIC.AS & Marsi AL SHPK, ofroi çmimin më të ulët dhe u shpall fituese në një garë të hapur pa shkelur asnjë procedurë.
 
Referuar akuzës ë dytë të kreut të Departamentit të rendit dhe Sigurisë në PD, Enkelejd Alibeaj, se nuk janë marrë në konsideratë mendimet e policisë dhe të ekspertëve, qeveria sqaron se Drejtoria e Policisë së Shtetit ka ngritur një grup pune të posaçëm, i cili hartoi specifikimet teknike për uniformat e reja të policisë.

Reagimi i plote i qeverise
Për uniformat e reja të policisë:
Ndryshe nga pretendimi i përfaqësuesit të Partisë Demokratike Enkelejd Alibeaj, Drejtoria e Policisë së Shtetit ka ngritur një grup pune të posaçëm, i cili hartoi specifikimet teknike për uniformat e reja të policisë në bazë të VKM-së nr. 79, datë 21.01.2009 “Për miratimin e stemës, të uniformës, gradave, emblemës, flamurit dhe shenjave të policisë së shtetit”, ndryshuar me VKM-të nr. 281 datë 06.04.2011 dhe nr. 853 datë 21.10.2015, si dhe Urdhrit nr. 510 datë 13.10.2015 “Për disa shtesa në Urdhrin e Ministrit të Punëve të Brendshme nr. 380 datë 30.12.2014 “Për miratimin e uniformës së veçanta, normës së kompletimit të punonjësve në strukturat e Policisë së Shtetit.”

Grupi i punës, i ngarkuar për hartimin e specifikimeve teknike, hartoi gjithashtu modelin dhe cilësinë e materialit të uniformës. Ndërkohë që Drejtoria e Prokurimeve të Përqendruara administron fletë-analizat e Laboratorit Fiziko-Mekaniko-Kimik pranë Universitetit Politeknik të Tiranës, si dhe mostrat dhe modelet për materialet të cilat ishin në përputhje me specifikimet e caktuara nga grupi i punës.

Në lidhje me akuzat për zhvillimin e një tenderi pa transparencë sqarojmë se, më datë 06.11.2015, Drejtoria e Prokurimeve të Përqendruara pranë Ministrisë së Punëve të Brendshme, përmes VKM-së nr. 28, datë 14.01.2015, u ngarkua të kryejë prokurimet për uniformat e reja. Po në këtë datë u publikua në faqen e Agjencisë së Prokurimit Publik, shpallja e tenderit për “Uniformat e Shërbimeve të Veçanta të Policisë së Shtetit”.

Në garën për uniformat e reja të Policisë së Shtetit, e cila u mbyll në datën 01.12.2015, u paraqitën 4 ofertues:
1.    GJERGJEFI - me ofertë  111.418.250 lekë;
2.    DSE & Alfredo Grassi SPA - pa ofertë;
3.    Bashkimi i operatorëve “YAKUPOGLU TEKSTIL VE DERI SAN.TIC.AS” & Marsi AL SHPK - me ofertë 91.917.500 lekë;
4.    PAERA SHPK - pa ofertë.

Fituesi i shpallur në datën 23.12.2015, ishte bashkimi i operatorëve “YAKUPOGLU TEKSTIL VE DERI SAN.TIC.AS & Marsi AL SHPK”, me çmimin më të ulët ndër ofertuesit. Kompania fituese u shpall pa shkelur asnjë procedurë, menjëherë pas vlerësimit të ofertave dhe pa pasur asnjë ankesë nga firmat pjesëmarrëse në tender.

Të gjitha faktet më sipër vërtetojnë se gara ishte e hapur dhe nuk ishte e paracaktuar, ndërkohë që kriteret përveçse u hartuan konform bazës ligjore, ishin të hapura për të gjitha kompanitë dhe për publikun.

Shpallja e tenderit për “Uniformat e Shërbimeve të Veçanta të Policisë së Shtetit” në faqen e Agjencisë së Prokurimit Publik, postuar më 12 shkurt 2016

tenderi per uniformat e policise

Redaksia Online
(Gre.M/Shqiptarja.com)

  • Sondazhi i ditës:

    Ervin Salianji dënohet me 1 vit burg për kallëzim të rremë, si e vlerësoni?

Lajme të tjera



×

Lajmi i fundit

Si u shpall Armik i Popullit Edison Gjergo! Suzana Varvarica në  Esencë-Report Tv

Si u shpall Armik i Popullit Edison Gjergo! Suzana Varvarica në  Esencë-Report Tv

29 Shtator, 21:07 nga Eljan Tanini