Lufta/ United Airlines pezullon fluturimet për në Tel Aviv

United Airlines

Kompania ajrore amerikane, United Airlines tha se ka pezulluar fluturimet për në Tel Aviv dhe planifikon t'i rifillojë ato kur të jetë e sigurt për klientët dhe ekuipazhin.

Është vetëm linja ajrore e fundit që ka marrë këtë vendim, pasi të tjerë në mbarë botën po rishikojnë oraret e tyre për të shmangur hapësirën ajrore iraniane dhe libaneze dhe gjithashtu kanë ndaluar fluturimet drejt Izraelit dhe Libanit për shkak të frikës në rritje për një konflikt të mundshëm më të gjerë në rajon pas vrasjes së anëtarë të lartë të grupeve militante Hamas dhe Hezbollah.

United tha se kishte anuluar fluturimet për në Tel Aviv nga orari i saj. Klientët mund të kërkojnë një rimbursim ose të rezervojnë fluturimet e United në çdo qytet në Evropë ose Lindjen e Mesme. Rivali Delta Air Lines ka ndaluar fluturimet midis Nju Jorkut dhe Tel Avivit deri më 31 gusht.

Lajmi kryesor:

Lufta në Rripin e Gazës/ SHBA, Egjipti dhe Katari bëjnë përpjekjen për të rinisur negociatat, Izraeli thotë 'Po'! Irani: Kemi raketa të reja të pazbulueshme

E.K/S.G/Shqiptarja.com

TAG:
• Izrael
• Tel Aviv