Një ndeshje me jo pak emocione, ku padyshim Mourinho tentoi hakmarrjen me çdo kusht ndaj rivalëve të Londrës, për atë humbje 4:0 në fazën e parë në "Stemford Bridge".
"Djajtë e kuq" e nisin furishëm takimin përpara tifozëve të tyre, teksa kalojnë në avantazh që në minutën e 7 me anë të talentit Rashford.
Pjesa e parë u mbyll 1:0, ndërsa edhe fraksioni i dytë i lojës flet për Manchester United.
Është Herrera i cili godet në zonë dhe topi pas një devijimi përfundon në rrjetë, duke mposhtur për herë të dytë në këtë takim Courtis.
Manchester United shënon kështu fitoren e parë pas 13 ndeshjesh të luajtura me Chelsea, ndërsa këta të fundit pas kësaj humbje e shohin Tottenhamin e vendit të dytë vetëm katër pikë larg.