Universitetet e Vlorës e Barit program të dyfishtë studimi në ‘inxhinieri mekanike’! Kushi: mundësi e mirë për studentët shqiptarë dhe italianë

Universiteti “Ismail Qemali” në Vlorë dhe Universiteti Politeknik i Barit do të kenë një program të përbashkët studimi në degën Inxhinieri mekanike . Marrveshja u nënshkrua të hënën dhe do të vihet në zbatim që  nga viti  akademik 2024-2025.

Ministrja e Arsimit Evis Kushi e cilësoi marrveshjen  një mundësi e shkëlqyer për të gjithë studentët shqiptarë, por edhe studentët italianë dhe do të shërbejë për forcimin e dy qyteteve.

Kushi sugjeroi shtimin e programeve të studimit në gjuhë të huaj, veçanërisht në gjuhën angleze, por edhe gjuhë të tjera, për universitetin e Vlorës pasi studentët jo vetëm nga rajoni por edhe Evropa, e shikojnë qytetin si një destinacion atraktiv jo vetëm turistik.

Ministrja nuk la pa përmendur edhe Vendimin e Këshillit të Ministrave për programet prioritare dhe mbështetjen studentore me bursa sa paga minimale, ku ftoi që të gjithë maturantët, të rinjtë e të rejat, jo vetëm të Vlorës të mos e humbasin këtë mundësi.

A.M./r.k./Shqiptarja.com

TAG:
• Vlore
• itali
• universiteti i barit
• universiteti ismail qemali