UNMIK vendos të tërhiqet
nga konferencat rajonale

UNMIK ka vendosur që të tërhiqet vetë nga mekanizmat rajonalë, ku Kosova do të paraqitet si ‘Kosovo’.

Një ditë pasi është publikuar marrëveshja e arritur në Bruksel për përfaqësimin rajonal, misioni i OKB-së ka marrë qëndrim që të lehtësojë zbatimin e konkluzioneve.

“Për ne është me rëndësi që ta shohim Kosovën të përfaqësohet në nismat rajonale. Ne nuk kemi interes që të marrim pjesë në takime kur ka alternativa të përfaqësimit të Kosovës, për këtë pajtohen të gjitha palët”, ka thënë Oliver Slagado, zëdhënës i UNMIK-ut.

Ndërkohë Hashim Thaci ka thënë se UNMIK nuk do të jetë as në korridore të takimeve dhe nuk e ka komentuar pikën e gjashtë të marrëveshjes në Bruksel, që ia mundëson UNMIK-ut prezencën.