POP 5

Lajmet më të lexuara të 5 minutave të fundit

Sociale

Ura e Darzezës burim aksidentesh/ Banorët: Të zgjerohet, gjatë verës qarkullimi është i rënduar (VIDEO)

E ndërsa duhet të kryejë një funksion të sigurtë lidhës dhe qarkullimi mes rrugëve, gjendja infrastrukturore e Urës së Darzezës vijon të jetë një problem shqetësues për banorët dhe drejtuesit e mjeteve. Kjo pasi në këtë urë regjistrohen shpeshherë aksidente me pasoja të rënda. E ndërtuar 3 vite më parë me një projeksion celiku mbi atë ekzistuese banorët kërkojnë zgjidhje për këtë urë, për të parandaluar ngjarje akoma më fatale.

FIER- Ura e Darzezës bëhet për të disatën herë burim aksidenti për qytetarët që kalojnë në të, pasi kushtet infrastrukturore të kësaj vepre janë jashtë çdo standardi sigurie. Pikërisht në këtë urë, mbrëmjen e së mërkurës një çift të moshuarish të cilët po lëviznin me motor kanë pësuar aksident. Fatmirësisht bashkëshortët janë jashtë rrezikut për jetën.

Duke qenë se është tejet e ngushtë, banorët e zonës kërkojnë që rruga të zgjerohet dhe bëhet me dy kalime, pasi qarkullimi i mjeteve, sidomos në stinën e verës është shumë i rënduar, për shkak të shtimit të numrit të qytetarëve dhe turistëve që i drejtohen zonave turistike.

“Është shumë problematike, të ishte bërë, është shumë e vonuar ka shumë ngarkesë trafiku. Në darkë kush makinë vjen nga andej duhet të presi 4-5 orë për të kaluar këtej, as polic nuk ka, është jashtë standardeve komplet, dërrasat shqepen çohen gomat, ka probleme shumë, është jashtë funksioni me një fjalë, është e rrezikshme. Duhet të zgjerohet të bëhet dy kalimshe ajo është më e mira për popullin, për të gjithë. Përbën shqetësim jo vetëm për neve që jemi banorë por për të gjithë. Ne që e kemi te përditshme këtu është më ë keqja”, thanë qytetarët.

Ura e Darzezës është ndërtuar provizorisht me material metalik nga Forcat e armatosura në vitin 2017. Kjo vepër u ngrit mbi atë ekzistuese që u shemb si rezultat i përmbytjeve pas daljes nga shtrati e lumit Vjosë. Por pavarësisht se kanë kaluar më shumë se tre vite dhe problemeve teknike të saj, ende ura e re nuk është ndërtuar e ndërsa shumë prej banorëve përballen me pasoja të rënda si pasojë e aksidenteve që regjistrohen në të. 

1598032362_darzeza4.jpg

Ura e Darzezës

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

U ekstradua nga Turqia, nis në GJKKO seanca ndaj Dritan Rexhepit! Akuzohet për rrëmbimin dhe zhdukjen e Jan Prengës

U ekstradua nga Turqia, nis në GJKKO seanca ndaj Dritan Rexhepit! Akuzohet për rrëmbimin dhe zhdukjen e Jan Prengës

24 Janar, 14:01