POP 5

Lajmet më të lexuara të 5 minutave të fundit

Politikë

Urdhëri i Bashës për 35 degët: Deri
më 30 qershor të zgjidhen kryetarët

Deri më 30 qershor  35 degë të partisë demokratike duhet të zgjedhin kryetarët e rinj të tyre, nga ku 14 do të jenë  degë të reja pas riorganimzit të strukturave. Pas vendimit të kryesisë së PD , kryetari  Lulzim Basha u ka nisur krerëve të degëve një urdhër për  këtë proces që synon shtrirjen e  PD në çdo skaj të Shqipërisë.  Vendimi i kryesisë së PD është kundërshtuar nga kryetarët  degës ekzsituese që përfshihen në këtë proces pasi krijimi i 14 degëve të reja u ngushton atyre  hapësirën territoriale.  VIDEO
Urdhëri i Bashës për 35 degët: Deri<br />më 30 qershor të zgjidhen kryetarët
21 kryetar aktual  të degëve të PD nga 35  ku do të kryhen zgjedhjet për kryetar degë  kanë shfaqur pakënaqësi ndaj vendimit të kryesisë  së PD. 

Kryetarët e konsiderojnë të papranueshme hyrjen në proces zgjedhor në mënyrë selektive.

Për këtë arsye, burime për Report Tv konfirmojnë se  kryetarët e degëve që do të futen në zgjedhje kanë kërkuar takim me kryetarin Basha, takim i cili ende nuk është zhvilluar. 

Megjithë pakënaqësitë e tyre,  kryetari i Partisë Demokratike pas mbledhjes së kryesisë u ka nisur  35  degëve  vendimin e kryesisë  dhe një urdhër për procesin e  zgjedhjeve të reja të partisë  në bazë.  

Në urdhër parashikohet ngritja e grupeve të punës në bazë qarku,  dege, seksioni dhe grup seksioni  me qëllim  riorganizmin e strukturave të partisë  me qëllim mbulimin territorial  edhe në fshatin më të largët. 

Në këtë mënyrë me urdhrin e  ri të kryetarit Basha për zgjedhjet në 35 degë të PD, nga të cilat  14 do të jenë të reja  hapet kështu gara për kandidatët për drejtimin e këtyre strukturave. 

Ndërkaq   vihet re në urdhrin e kryetarit Basha, që kandidatët që do të marrin pjesë në  këtë proces, përveç të tjerave duhet të kenë plotësuar formularin e vetëdeklarimit për dekriminalizimin.

Sipas këtij urdhri,  brenda datës  30 qershor  duhet të mbyllet procesi  i riorganizimit  si dhe i zgjedhjes së të gjitha strukturave të reja në degë.  

Por  vendimi i kryesisë së PD nuk  është mirëpritur nga  degët që do ti nënshtrohen procesit të ri të zgjedhjeve, e  pakënaqësia është më e madhe  në ato degë  ku në zonat e tyre do të krijohen  degë të reja,  siç është rasti i Durrësit që është kundërshtuar  ngritja e degës Durrës rrethina për  zonat përreth  qytetit.

Ndërkaq  pritet që kryetaret e aktual të degëve të japin dorëheqjen, siç ndodhi me kryetarin e PD Pogradec ose dhe të rikandidojnë për zgjedhjet në zonat përkatëse.
Kështu të mandatuarit për organzimin e strukturave në qarqe kanë filluar tashmë takimet me strukturat në bazë dhe pritet që në ditët në vijim të përcaktohen edhe  kandidatët në garën për drejtimin e degëve. 

Vendimi  i kryesisë për të dërguar në zgjedhje këto degë të PD  u mor pas konkluzioneve të dala nga  procesi  analizës së zgjedhjeve lokale të vitit të shkuar ku PD humbi në pjesën e më të madhe të bashkive.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

'Mangalem's Shade', magjia e dritave në lagjen muzeale të Beratit

'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj