Erjon Alibej, njeriu që akuzohet nga prokuroria e Elbasanit se ka porositur dy vrasjet e Regis Runaj dhe Emiljano Ramazanit, ka dalë sot para gjykatës së Apelit Durrës, ku është njohur me masën e sigurisë “arrest në burg”. Gjyqtarët e Apelit kanë lënë të paprekur vendimin e shkallës së parë në Elbasan, duke urdhëruar vijimin e qëndrimit në burg të Erjon Alibej. Sipas dosjes hetimore, Erion Alibej, është njeriu që ka urdhëruar dhe ka sponsorizuar ekzekutimin e Emiljano Ramazanit (Ilit) të vrarë në datën 20 korrik 2020 dhe Regis Runaj të vrarë në 29 korrik 2020. Të dy viktimat ishin shokë me njëri-tjetrin dhe sipas dosjes ishin shpërndarës dhe përdorues të lëndëve narkotike në Elbasan. Vrasja e tyre sipas akuzës është urdhëruar nga Erjon Alibej në shenjë hakmarrje, pasi ky i fundit kishte krijuar bindjen se Runaj dhe Ramazani, kishin qëlluar mbi vëllain e tij, Enea Alibej me nofkën (Tarzani), dajën e tij Arben Dylgjeri dhe shokun turk Erdal Duranay. Erjon Alibej, besohet se ka paguar 100 mijë euro për të ekzekutuar Emiljano Ramazanin dhe shokun e tij, Regis Runaj, ngjarje të ndodhura në 20 dhe 29 korrik 2020 në qytetin e Elbasanit. Një fakt i tillë mbi vlerën e pagesës, ka dalë gjatë dëshmisë së bashkëpunëtorit të prokurorisë së Elbasanit, Euglen Halili, i cili u ka treguar hetuesve se nga bisedat që ka zhvilluar me bashkëpunëtorin në vrasje, Xhuljano Hoxha, ky i fundit i ka treguar se do merrnin 100 mijë euro, për të kryer vrasjen e Ramazanit dhe Regis Runaj.
Në dosjen hetimore thuhet se:”…Eugleni dhe Xhuljano kishin filluar shoqërimin me Regis Runaj rreth 10 ditë para ngjarjes. Qëllimi i këtij shoqërimi në dukje ka qenë që të krijonin marrëdhënie njohje dhe besimin se funksion të realizimit të qëllimit, pra të vrasjes së Regisit. Ditën e ngjarjes Eugleni dhe Xhuljano kanë lëvizur në lokal “Beni”, i cili ndodhet poshtë pallatit ku banonte Regis Runaj. Së bashku me Euglenin dhe Xhuljanon, kanë qënë dhe tre persona të tjerë. Eugleni ka shkuar në vend me motorin e tij së bashku me Regisin, ndërsa personat e tjerë kanë shkuar me automjetin në pronësi të Xhuljanos. Pasi konsumuan lëndë narkotike, tre personat e tjerë janë kthyer në këmbë. Ndërsa Eugleni dhe Regisi, janë kthyer me motor. Në drejtim të këtij motori ka qenë Regisi, ndërsa Eugleni ka qenë pasagjer në sediljen e pasme. Në një moment Eugleni, i ka kërkuar Regisit, që të ndalonte pak shpejtësinë e motorit. Dhe sapo Regisi, ka ulur shpejtësinë e motorit, Eugleni, e ka qëlluar me thikë në pjesën e qafës dhe më pas 27 herë të tjera në trup dhe kokë…”.
Bashkëpunëtori i prokurorisë deklaron se për të gjitha veprimet kriminale dhe skenarin se si do të realizoheshin vrasjet njoftohej Erjon Alibej, i cili kishte dhënë urdhrin dhe financuar vrasësit. Po kështu Eugleni dhe Xhuljano, me urdhër të Erjon Alibej, kanë mbajtur në vëzhgim Emiljano Ramazanin, i cili është vrarë në datën 20 qershor 2020, pranë banesës së tij. Për çdo lëvizje të Ramazanit, informohej Erjon Alibej, i cili gjatë kësaj kohe ishte në “arrest shtëpie”, pasi kishte qëlluar me armë në drejtim të Xhon Rustës. Emiljano Ramazani është ekzekutuar me 6 plumba, teksa po parkonte makinën e tij. Për këtë vrasje policia dhe prokuroria e Elbasanit, veç Euglen Halilit dhe Xhuljano Hoxha, kanë arrestuar babë e bir, Albert e Seit Manahasa, pasi në servisin e tyre u gjend pistoleta e vrasjes së Ramazanit.
Lajme të tjera
-
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
SKEDA / Kush është Pajtime Fetahu, ish gjyqtarja e dorëhequr e lidhjet e dyshuara me Çopjat, pagesa 11 mijë euro me flori dhe masa e sigurisë
25 Nëntor, 13:02 -
Dosja e vëllezërve 'Çopja'/ 4 vite nga vrasja me 27 thika, SPAK urdhërarrest për motrën e Regis Runajt! Punonte si sekretare në gjykatën e Elbasanit
2 Gusht, 11:51
-
SPAK zbulon aktivitetin e organizatës kriminale të vëllezërve Çopja në Elbasan: Kryen 4 vrasje, 14 i porositën, vodhën 4.6 mln euro në Rinas! Sekuestrohen 1 mln euro cash
1 Gusht, 15:17 -
'Plumbi i artë' vijon! SPAK operacion në Tiranë, Elbasan e Durrës! Firmosen 36 urdhërarreste! Në pranga shefi i krimeve të Durrësit, zv/ drejtori i burgut Bradashesh, masë edhe për ish gjyqtaren Fetahu ( JA 23 EMRA)
31 Korrik, 10:29 -
Vrasja e Emiljano Ramazanit dhe Regis Runajt, Apeli i GJKKO lë në fuqi dënimin me burg përjetë të Xhuljano Hoxhës! Zbret 1 vit burg për të penduarin Euglen Halili
8 Prill, 14:26
-
I dënuar përjetë për vrasjen e Emiljano Ramazanit dhe Regis Runajt, dëshmia e shefit të regjimit në burgun e Peqinit: Xhuliano Hoxha na kërcënon, nuk i bindet rregullave
19 Dhjetor 2023, 14:39 -
Vrasja e Emiljano Ramazanit dhe Regis Runajt, GJKKO rrit dënimet: Burg përjetë për Xhuliano Hoxhën, 17 vite për të penduarin Euglen Halili
11 Tetor 2023, 17:46 -
Nuredin Dumani implikon edhe vëllanë e tij në vrasje: I përfshirë në atentatin e Bradasheshit ku u vra Endrit Alibej! Fatos Gosa ishte informatori
21 Shtator 2023, 12:03 -
EKSKLUZIVE/ Zbardhet dosja për vrasjet e Ramazanit dhe Runajt! Si u kthyen nga armiq në miq Erjon Alibej dhe Nuredin Dumani, organizatori ishte në burg kur ndodhi ekzekutimi
1 Korrik 2023, 16:44
-
Vrasja e Emiljano Ramazanit dhe Regis Runajt, Euglent Halili: Xhuliano Hoxha mori nga Erjon Alibej një listë me emra personash që do të vriteshin
13 Qershor 2023, 12:36 -
Vrasja e Emiljano Ramazanit dhe Regis Runajt, kërkohen 30 vite burg për Xhuliano Hoxhën dhe 12 vite për Euglent Halilin, vrasja me pagesë
13 Qershor 2023, 11:50
