ORA 19:00 BASHKIA E VLORES: NESER, SHEMBJET NE LLOGARA DHE NE PYLLIN E SODES
Korrespodenti i "A1Report!" në Vlorë njofton se nga Bashkia e Vlorës bëhet e ditur, harta e prishjeve të ndërtimeve të paligjshme në bregdet dhe ora se kur do të nisë puna për shembjen e tyre.
Shembjet do të bëhen nesër në bregdetin e Vlorës, Orikumit dhe Llogarasë duke filluar në orën 7:00 nga kjo e fundit. Më pas, puna do të vijojë në tërë vijën bregdetare. Në orën 9:00, prishja do të fillojë në zonën e pyllit të Sodës.
ORA 7:30 PALLATI I KRYEBASHKIAKUT BASHA, VERIFIKOHEN PROCEDURAT
Burime pranë PS-së pohojnë se megjithëse pallati i Bashës ka një leje të miratuar nga bashkia e Vlorës e drejtuar nga Shpëtim Gjika, janë duke u parë të gjitha procedurat e
ndjekura, e nëse do të vërehen shkelje, apo mangësira, nuk do të ketë falje.
Deri tani, ky ndërtim ka qenë në qendër të vëmendjes jo vetëm të qytetarëve të Vlorës, që janë ankuar për të, pasi ka zënë një nga pjesët më të bukura të Vlorës, por edhe
të politikës e të ambientalistëve, të cilët kanë protestuar disa herë. Megjithatë punimet kanë vazhduar, nën emrin e vjehrrit të Lulzim Bashës, por megjithatë nga ky pallat ende
nuk ka asnjë banesë të shitur, diçka e çuditshme kjo në një vend aq të lakmuar.
Pallati ka nisur ndërtimin pak vjet më parë, pranë vendit që në Vlorë quhet “Uji i Ftohtë” . Letrat në bashki janë në emër të vjehrrit të Lulzim Bashës, aktualisht kryetar i Bashkisë së Tiranës dhe një nga pretendentët për të marrë postin e kryetarit të Partisë Demokratike pas dorëheqjes së Sali Berishës.
Megjithatë iniciativa e fundit e Edi Ramës, i cili do të marrë detyrën e kryeministrit të Shqipërisë në shtator të këtij viti, mund të sjellë edhe një nga “betejat” më të forta në
rrafshin e prishjes së ndërtimeve në bregdet, ku me sa duket do të përfshihen edhe ato ndërtime me leje, me qëllimin e vetëm mbrojtjen e tij (bregdetit) nga ndërtimet e
pastudiuara.
(Foto: Pallati i i njohur si pallati i Lulzim Bashes)
Redaksia online
(ar.sh/sg/shqiptarja.com)