Urimi nga Vlora, kryebashkiaku Leli: Mos të qajmë të vjetrën por t'i gëzohemi jetës! Gëzuar vitin 2021 (VIDEO)

Nga Vlora, kryebashkiaku Dritan Leli ka uruar të gjithë shqiptarët me rastin e festave të fundvitit. Në mesazhin e tij ai thotë se ky vit na përballi me sfida të mëdha duke filluar nga tërmeti dhe më pas pandemia. Por ai thotë se pavarësisht gjithçkaje që ka ndodhur, është momenti që qytetarët të mos qajnë të vjetrën por t'i gëzohen jetës edhe kur qesh dhe kur na lëndon.

"Në orët e fundit të këtij viti më shumë se sa ndrydhjen e jetës dua të kujtoj përpjekjen e gjithë qytetarëve të Vlorës për t'u përballur me të keqen. Në muajt e parë të vitit 2020 duke qenë pranë familjeve të dëmtuara nga tërmeti në Durrës dhe në 10 muajt në vazhdim duke u përballur me pandeminë që gjunjëzoi njerëzimin. Dua të kujtoj këtë për të veçuar qëndresën, zemrën e madhe për të ndihmuar karakterin e fortë. Vetëm duke ushqyer të mirat do të zhvillojmë veten, punën që bëjmë përditë. Asgjë nga këto që na ndodhën nuk harrohet. E kam thënë vazhdimisht gjatë kësaj kohe, dua ta mbyll me urimin më të vyer të keni shëndet më të mirë dhe të afërmit pranë. Mos të qajmë të vjetrën por të gëzohemi për jetën kur na qesh edhe kur na lëndon sepse të gjitha janë të saj. Do ringrihemi siç kemi bërë gjithmonë, sepse Vlora mundet, Shqipëria mundet. Gëzuar 2021, ju uroj jetë dhe shëndet" - tha kryebashkiaku.


Lajmi kryesor:

Politika uron shqiptarët/ Rama: Të keqen e lamë pas, të mirën e kemi para! Basha: 2021 viti i ndryshimeve! Punonjësit e Bashkisë Tiranë, kërcim në emër të jetës


E.M./b.ha./Shqiptarja.com
  • Sondazhi i ditës:

    Raporti i OSBE-ODIHR për zgjedhjet e 25 prillit: si te duket?



×

Lajmi i fundit

John

Kultivuan lëndë narkotike në një pronë publike, arrestohen babë e bir në Krujë