Uruguai-Francë, çifti i parë çerekfinalist i Botërorit 2018

Përcaktohet çifti i parë çerekfinalist i Botërorit 2018 në Rusi. Dita e djeshme e botërorit përcaktoi çiftin e parë çerekfinalistë. Ai është Francë – Uruguai.

Mbrëmja e djeshme në Fist Arena vuri përballë dy skuadra plot histori, Portugalinë, kampionen e Europës dhe Uruguain.

Dilema se cila skuadër do të kalonte për në fazën çerekfinale nisi të marrë rrugë që në minutën e 7-të, falë golit të Edison Cavanit. Portugalia u përpoq të reagojë por e gjeti golin e barazimit vonë, në minutën e 55 me anë të Pepes. 7 minuta më vonë supergoli i Cavanit vulosi fitoren e Uruguait. Portugalia prenotoi avionin për t’u kthyer në shtepi, kurse Botërori humbi një tjetër yll.
Më herët, në “Kazan Arena”, Franca u kualifikua për në çerekfinale falë fitores 4-3 me Argjentinën, një ndeshje ku gjithçka ndodhi pati për protagonist 19 vjeçarin Kylian Mbappé.

Ishte ai autor i një vrapimi prej 70 metrash që përfundoi në pikën e 11 metërshit, të cilin e ktheu në gol “Djalli i Vogël” Griezman.

LEXO EDHE:
Veliaj vizitë dy ditore në Paris, do të pritet nga kryetarja e Bashkisë, Anne Hidalgo

Pastaj autor i dy golave që bashkë me supergolin e Pavard, i dhanë fitoren bluve të Deschamps. Golat për bardhekaltrit u shënuan nga Di Maria, Merkado dhe Aguero. Nënkampionët e botës dhe këpuca e artë Messi, kthehen në Argjentinë për të daravitur poshtërimin dhe për të reflektuar pas një tjetër zhgënjimi. Skuadra franceze bashkë me Uruguajin e drejtuar nga Oskar Tabares janë çifti i parë që kalojnë për në fazen çerekfinale të Botërorit .

TAG:
• france
• boterori 2018
• uruguai

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  61.4%

• Jo

  32.4%

• Nuk e di

  6.2%

Vota total: 145

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di