POP 5

Lajmet më të lexuara të 5 minutave të fundit

Sociale

Ushqime të pasigurta/ Hiqen kioskat pranë shkollave në Durrës

Kioskat që tregtojnë produkte ushqimore apo mallra të tjera pranë shkollave do të hiqen. 

DURRËS-Në nisje të sezonit të ri shkollor, Bashkia e Durrësit ka marrë një nismë të re, në fokus të së cilës është siguria ushqimore tek fëmijët.

Në kuadër të kësaj nisme, mesditën e kësaj të hënë, Inspektorati i Mbrojtjes së Territorit në Durrës (IMT) e mbështetur nga policia bashkiake ka nisur punën për largimin e kioskave të cilat tregtojnë produkte ushqimore pranë shkollave 9-vjeçare dhe të mesme. Këto kioska shpesh kanë qenë burim helmimi, për shkak se tregtojnë ushqime të pasigurta dhe në kushte të papërshtatshme higjeno-sanitare për fëmijët.

Të gjendur përballë kësaj situate, e cila ka qenë edhe një nga shqetësimet e shumë prindërve, kjo Bashki ka vendosur që të heqë të gjitha kioskat pranë shkollave, në një operacion i cili është shtrirë edhe në fshatra. Gazetari i Report Tv, Artur Korriku raportoi ditën e sotme u larguan 4 kioska pranë shkollave të mesme "Beqir Çela" dhe "Olsi Lasku".

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10