POP 5

Lajmet më të lexuara të 5 minutave të fundit

Kultura

Ushtari italian që pikturoi Shqipërinë në ’43-in, Çapaliku: Renzo Collura, një artist i humbur në vendin tonë

Dramaturgu Stefan Çapaliku sjell biografinë e letrarizuar të ish ushtarit dhe piktorit italian Renzo Collura-s. Çapaliku na rrëfen se Collura gjatë vitit 1943 pikturoi afresket në kishat françeskane, por dhe qytetarët e thjeshtë

Stefan Çapaliku, emrin e Renzo Collurës e ka ndeshur qysh në fëmijëri. Derisa, në këtë vit pandemik dhe të mbrapshtë, gjeti kohë të shkruante për të një biografi të letrarizuar. Ngjarjet ndodhin në periudhën e kapitullimit të Italisë fashiste, në shtator të 1943-it deri në ardhjen në pushtet të komunistëve në nëntor të vitit 1944. Asokohe Collura ishte një ushtar italian, piktor i cili mbeti në Shkodër dhe pikturoi përveç kishës françeskane dhe qytetarët, burrat edhe gratë

“Renzo ka qenë një personazh gjysëm romantik, një djalosh i ri, që me të vërtetë mbante një fatkeqësi mbi vete, siç ishte ajo e ushtarëve italianë të mbetur në vendin tonë, por si një figurë karizmatike që ishte zuri miqësi me artistët e rinj”, rrëfen Çapaliku.

Ky sicilian i humbur fillimisht nëpër Shkodër e më pas në Durrës, ku takoi dhe muzën e tij, Benardina Qerraxhinë, do të merrej jo vetëm me pikturë, por dhe me skenografi, derisa anija e fundit me ushtarë të mbetur do ta kthente në shtëpinë e tij në Itali në vitin 1947.

“Kontakti, miqësia e tij edhe më shumë se kaq me zonjushën me origjinë nga Shkodra Benardina Qerraxhija, mua më ka bërë shumë përshtypje. Renzo edhe e ka pikturuar, prandaj unë e kam vendos në kopertinë portretin e saj”, thotë Çapaliku.

Dramaturgu përfundon se në vendin e tij të lindjes, në Grotte të Italisë, do të ndërtohet një muze me emrin e Renzo Collura-s.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emanuela: 30/01/2021 15:01

    Reportazhi shume i bukur por i sfumuar nga zeri i larte i pianos ne sfond.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce