Ushtria izraelite tha se ka shpëtuar edhe një tjetër person që ishte marrë peng nga Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – gjatë sulmit në Izrael më 7 tetor, sulm që nxiti luftën në Gazë.
Shpëtimi i pengut solli gëzim në mesin e izraelitëve, pas muajsh luftime, teksa dhjetëra persona ende po mbahen peng pavarësisht përpjekjeve ndërkombëtare për të arritur marrëveshje armëpushimi dhe për lirimin e pengjeve.
Ushtria tha se Qaid Farhan Alkadi u shpëtua nga një tunel “në një operacion kompleks në jug të Rripin e Gazës”, pa ofruar më shumë detaje.
Nuk dihet nëse gjatë operacionit të shpëtimit të pengut u vra apo u plagos dikush.
Qaid Farhan Alkadi, 52 vjeç, ishte një prej tetë anëtarëve të minoritetit beduin arab të Izraelit, që u rrëmbyen më 7 tetor. Ai ishte duke punuar si roje në një fabrikë në Magen, një prej disa komuniteteve që u sulmuan nga radikalët e Hamasit. Ai ka dy gra dhe është baba i 11 fëmijëve.
Ministri i Mbrojtjes i Izraelit, Yoav Gallant, tha se operacioni i shpëtimit ishte pjesë e “aktiviteteve të guximshme të ushtrisë që po kryen brenda Rripit të Gazës”, duke shtuar se Izraeli “është i përkushtuar që të shfrytëzojë çdo situatë për të kthyer pengjet”.
Hamasi rrëmbeu afër 250 persona më 7 tetor dhe vrau afër 1.200 të tjerë, shumica civilë.
Si pasojë e ofensivës ushtarake të Izraelit, në Gazë janë vrarë më shumë se 40.000 palestinezë dhe janë zhvendosur 90 për qind e popullsisë prej 2.3 milionë banorësh të Gazës.
Izraeli beson se 108 pengje janë ende brenda Gazës dhe më shumë se 40 prej tyre janë të vdekur. Shumë pengje u liruan gjatë një armëpushimi njëjavor në nëntor në këmbim të lirimit të palestinezëve të mbajtur nga Izraeli.
Deri më tani, përmes dy operacioneve Izraeli ka shpëtuar tetë pengje. Hamasi ka thënë se disa pengje janë vrarë gjatë sulmeve ajrore izraelite dhe operacioneve të dështuara për shpëtimin e tyre. Ushtarët izraelitë kanë vrarë gabimisht tre izraelitë që i ikën robërimit të Hamasit në dhjetor./ REL
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06
