Ushtria Izraelite vret palestinezët që
provokuan luftën 7-javore në Gaza

GAZA - Ushtria izraelite ka vrarë sot dy palestinezë, të fajësuar për rrëmbimin dhe vrasjen e tre adoleshentëve izraelitë në muajin qershor, që provokoi konfliktin intensiv 7 javor që la mijëra të vdekur në Rripin e Gazës.

Ushtria izraelite kishte qenë për muaj me radhë në kërkim të Marwan Kawasmeh dhe Amer Ebu Aisha të cilët u gjetën të rrethuar në një ndërtesë në qytetin Hebron të Bregut Perëndimor, ku ishin të fshehur.
 
Mësohet se dy të rinjtë, në kërkim nga policia izraelite, kanë hapur zjarr ndaj policisë, duke mbetur të vrarë në vend. Sipas policisë, të dy viktimat, të lidhur me grupin militant të Hamas, kanë mohuar vazhdimisht vrasjen e tre adoleshentëve.

 Arrestimi i qindra palestinezëve dhe bastisjet në disa shtëpi në të gjithë Bregun Perëndimor ushqyen armiqësi me grupin terrorist Hamas, i cili dominon Rripin e Gazës. Pastaj, më 2 korrik, një i ri palestinez nga Jeruzalemi lindor është rrëmbyer duke u djegur i gjallë në një sulm të dukshëm hakmarrjeje, vetëm 2 ditë pasi u gjetën trupat e vrarë të 2 izraelitëve.
Vrasjet nisën kështu një cikël të shkallëzuar dhune duke çuar në një konflikt intensiv 50 ditor mes Izrealit dhe militantëve palestinezë të Hamas që dominojnë Rripin e Gazës.
 
Sipas zyrtarëve në Gaza, 2100 palestinezë, kryesisht civilë, kanë mbetur të vrarë në konfliktin disa javor. Ndërsa izraelitët thonë se viktimat nga ana e tyre janë 67 ushtarë dhe 6 civilë.
 
Redaksia Online
(e.n/Shqiptarja.com)