Uta Ibrahimi është alpiniste nga Kosova e cila ka ngjitur majën më vdekjeprurëse në botë, Annapurna në Nepal. Në prill 2021 Uta arriti të ngjitet me sukses në këtë majë me lartësi 8091 metra mbi nivelin e detit.
Nepali ka pasur shumë pak vizitorë që nga shfaqja e pandemisë Covid-19, por Uta ishte ndër alpinistët e parë në botë që iu rikthye ekspeditave në Nepal.
“Ka qenë shumë i vështirë menaxhimi i kampeve se numri i madh i njerëzve në kampe pavarësisht se kemi bërë teste ka pasur te infektuar që ne nuk e kemi ditur fare por më vonë e kami marrë vesh. Fati i mirë ka qenë që derisa e kemi kryer ekspeditën të gjithë pjesëmarrësit kanë qenë mirë me shëndet”, tha ajo.
Në majën Annapurna kanë humbur jetën shumë alpinistë si pasojë e motit të keq dhe ortekëve të borës. Një ortek i fuqishëm të borës e kishte xhiruar Uta vetëm pak kohë para nisjen për t’u ngjitur në këtë majë. Sipas databazës, nga viti 1900 kanë humbur jetën 72 alpinistë në Annapurna.
Alpinistja nga Kosova, Uta Ibrahimi ka nisur në vitin 2017 një projekt për ngjitjen e 14 majave më të larta në botë. Projektin e saj e ndali pandemia e COVID-19, por aktualisht ajo është duke u përgatitur që të rikthehet në Nepal për të ngjitur një maje tjetër me mbi 8,000 metra lartësi mbidetare
“Në 2017 kam filluar projektin për të ngjitur 14 majat më të larta në botë, pas ngjitjes që kam pasur në Everest në 2017 ka qenë motivi kryesor që më ka shtyrë për të vijuar ngjitjet e kur është ngjitur për herë të parë flamuri i Kosovës në këtë majë, e kam parë vullnetin e mirë e dashurinë që ma kanë dhënë njerëzit e kam kuptuar që ky projekt nuk është vetëm i imi por edhe i vendit tim” , tha ajo.
Nga 14 majat më të larta në botë Uta deri më tani është ngjitur në gjashtë prej tyre.
“Shumicën e majave ku kam qenë kam qenë jo vetëm e para prej Kosovës por edhe e para prej Ballkanit që kam mbërritur të ngjitem në ato maja”, tha ajo.
Ekspeditat për ngjitjen në majat më të larta të botës kanë kosto të lartë. Një ngjitje mund të kushtojë nga 20 mijë deri në 100 mijë dollarë. Për ekspeditat e saj Uta ka arritur të sigurojë fonde nga donatorë të ndryshëm/REL
Lajme të tjera
-
Rritet presioni ndaj Kosovës për themelimin e Asociacionit
25 Prill, 15:58 -
A ka ndryshuar qëndrimi i Francës karshi Kosovës ndër vite?
25 Prill, 13:55 -
Kosovë/ Përplasi për vdekje me makinë 44-vjeçarin, i riu nga Elbasani dyshohet se e bëri për hakmarrje! Arrestohet për vrasje
25 Prill, 13:19 -
Heqja e dinarit serb, nis në Bruksel takimi trepalësh mes kryenegociatorëve të Kosovës dhe Serbisë
25 Prill, 12:43 -
Ndihmëssekretari amerikan i Shtetit i kërkon Kosovës “përparim urgjent” për themelimin e Asociacionit
24 Prill, 20:50 -
‘Veçantizmi’, gropa në të cilën po zhytet Serbia
24 Prill, 09:56
-
Macron i përmend Kurtit Asociacionin teksa flet për rrugën e Kosovës në Këshillin e Evropës
23 Prill, 22:58 -
Presidentja Osmani: Kosova nuk po kundërshton zbatimin e detyrimeve të veta
23 Prill, 18:59 -
Investigimi: A u vra gazetarja e BBC nga “Legija” famëkeq serb?
23 Prill, 18:35 -
Kosovë/ U akuzua për ngacmim seksual, profesori pezullohet nga detyra
23 Prill, 14:48 -
PE-ja miraton heqjen e vizave për shtetasit e Kosovës që kanë pasaporta të Serbisë
23 Prill, 14:36 -
DASH: Problemet me pavarësinë e gjyqësorit dhe kufizimet në lirinë e mediave, ndër shqetësimet kryesore për Kosovën
23 Prill, 09:44
