POP 5

Lajmet më të lexuara të 5 minutave të fundit

Kronikë

3 vakancat nga gjyqësori për KLGJ, aplikojnë 6 gjyqtarë! Zbardhen emrat

Gjykata e Lartë ka publikuar listën e kandidatëve që kanë shprehur interesin për anëtarë të Këshillit të Lartë Gjyqësor. Gazetari i Report Tv, Arsen Rusta raporton se në total kanë aplikuar 6 gjyqtarë për 3 vende vakante nga radhët e gjyqtarëve.

3 vakancat nga gjyqësori për KLGJ, aplikojnë 6 gjyqtarë! Zbardhen emrat

Këshilli i Lartë Gjyqësor

TIRANË- Gjykata e Lartë ka publikuar listën e kandidatëve që kanë shprehur interesin për anëtarë të Këshillit të Lartë Gjyqësor. Gazetari i Report Tv, Arsen Rusta raporton se në total kanë aplikuar 6 gjyqtarë për 3 vende vakante nga radhët e gjyqtarëve.

Dje ka qenë afati i fundit për të aplikuar, për garën e cila u hap në 22 korrik 2021, me qëllim përtëritjen e KLGJ që do të ndodhë në muajin dhjetor. 2 kandidatura vijnë nga Gjykata e Lartë të tjerët nga Gjyktatat e Apelit dhe të Rretheve.  Më konkretisht Asim Vokshi dhe Klodian Kurushi nga Gjykata e Lartë; Vojsava Osmanaj nga Gjykata e Apelit Shkodër; Ridvan Hado nga Gjykata e Apelit Tiranë; Manjola Xhaxho nga Gjykata e Rrethit Gjyqësor Tiranë dhe Irena Plaku nga Gjykata e Rrethit Gjyqësor Tiranë

Më herët, KLGJ ka deklaruar se kjo është një mundësi e mirë për të kontribuuar për një sistem gjyqësor të pavarur.

"Kjo është një mundësi, një thirrje për të kontribuuar në konsolidimin dhe zhvillimin e një sistemi gjyqësor të pavarur, të paanshëm, transparent dhe të përgjegjshëm në drejtësinë që të gjithë duam, për fëmijët tanë dhe të ardhmen e tyre, drejtësinë që pret e meriton çdo qytetar i këtij vendi", tha KLGJ.

Brenda 7 ditëve nga data e mbylljes së afatit për dorëzimin e kërkesës dhe dokumentacionit përkatës, do të kryhet verifikimi i kushteve ligjore të kandidatëve dhe shpalljen e kandidaturave në faqen zyrtare të Gjykatës së Lartë.  Ndërkohë, edhe Këshilli i Lartë i Prokurorisë ka mbyllur garën dhe kandidaturat për 3 vendet vakante janë Denion Katro, Sokol Stojani, Zeqir Hodo dhe Ludovik Doda.

Kandidatët
-Asim Vokshi nga Gjykata e Lartë
-Klodian Kurushi nga Gjykata e Lartë
 -Vojsava Osmanaj nga Gjykata e Apelit Shkodër
-Ridvan Hado nga Gjykata e Apelit Tiranë
-Manjola Xhaxho nga Gjykata e Rrethit Gjyqësor Tiranë
-Irena Plaku nga Gjykata e Rrethit Gjyqësor Tiranë

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Lufta ndaj emigracionit të paligjshëm dhe krimit të organizuar, Britania i dhuron 30 mijë paund pajisje të sofistikuara Policisë Kufitare

Lufta ndaj emigracionit të paligjshëm dhe krimit të organizuar, Britania i dhuron 30 mijë paund pajisje të sofistikuara Policisë Kufitare

30 Janar, 08:16