Vaksina e Moderna-s mbërrin në Itali

Vaksina Moderna arrin në Itali. Agjencia Italiane e Barnave ka autorizuar vaksinën në individë të moshës 18 vjeç e lart. Kjo është vaksina e dytë Covid që arrin  në Itali pas produktit Pfizer Biontech.

Stoku do të dërgohet në ‘Istituto Superiore di Sanità (Iss)’ në Romë, për t’u shpërndarë më pas në 4-5 Rajone të identifikuara nga komisioneri i emergjencave Domenico Arcuri.

Vaksina mRna ka të ngjarë të "ofrojë mbrojtje deri në dy vjet," i tha The Guardian CEO i Moderna, Stéphane Bancel. 

Numri një i Moderna gjithashtu shtoi se sipas studimeve të fundit, "vaksinat e sapo zhvilluara duhet të jenë po aq efektive kundër varianteve të koronavirusit të vëzhguar deri më tani", ato angleze dhe afrikës së jugut.

Vaksina Moderna është e dyta e aprovuar nga autoritetet evropiane dhe italiane të ilaçeve.

Vaksina Moderna ruhet në temperatura midis -15 ° dhe -25 °, por është e qëndrueshme ndërmjet + 2 ° dhe + 8 ° për 30 ditë nëse është në paketim të pahapur.  Në total, 1.3 milion doza të Moderna do të mbërrijnë në Itali gjatë 3 muajve të ardhshëm.

TAG:
• itali
• Vaksina Covid