1762169373_pokrovsk.JPG

Forcat e Armatosura ruse kanë ndërmarrë një valë të re bombardimesh kundër Ukrainës, duke përdorur dronë dhe raketa, përfshirë edhe ato të tipit Kinzhal, në orët e para të mëngjesit të sotëm. Ndërkohë, në terren, fushata ushtarake thuhet se ka shënuar përparime në pjesën lindore të vendit, veçanërisht në qytetin Pokrovsk, në rajonin e Donetskut, sipas burimeve nga Moska.

Kontrolli i Pokrovskut është i rëndësishëm si nga pikëpamja logjistike, ashtu edhe nga ajo simbolike. Ministria ruse e Mbrojtjes ka deklaruar se trupat e saj kanë hyrë dhe kanë konsoliduar pozicionet në distriktin Prigordny, duke zmbrapsur njëkohësisht sulme në fronte të tjera.

Sipas Moskës, këto sulme ishin pjesë e një përpjekjeje nga trupat ukrainase për të “thyer rrethimin”. Qeveria ruse ka raportuar gjithashtu përparime edhe në qytetin Kupyansk, në rajonin e Kharkivit. Burime ushtarake kanë bërë të ditur se “armiku është dëbuar nga katër pozicione të fortifikuara në zonën industriale”, megjithatë për këtë ngjarje nuk ka asnjë njoftim nga autoritetet ukrainase.

 


Lajmi kryesor:

Lufta në Ukrainë/ Trump: S’kam ndërmend të dërgoj raketa Tomahawk! Do të gjejmë një mënyrë për t’i dhënë fund konfliktit