Presidenti i Sudanit të Jugut ka dhuruar 40 mijë dollarë për secilin nga anëtarët e parlamentit. Salva Kiir është shprehur se kjo ‘dhuratë’ do t’u mundësojë ligjvënësëve të blejnë nga një makinë. Gjithçka ndodhi pasi Kiir aprovoi ndryshimin e Kushtetutës, duke lejuar kështu zgjatjen e mandatit të tij në postin e Presidentit deri në vitin 2021.
Mandati i Salva Kiir duhet të kishte përfunduar këtë vit, si pasojë e luftës së së përgjakshme civile që po ndodh në vend që nga viti 2013. Salva Kiir theksoi se situata e tanishme nuk lejon zhvillimin e zgjedhjeve të lira, pasi askush nga populli nuk mund të shkojë në votime për shkak të problemeve të sigurisë.
Një shumë e konsiderueshme, ajo që Salva u dha deputetëve,e cila tejkalon dhjetë milionë dollarë për blerjen e automjeteve në një vend ku rrugët nuk ekzistojnë. Megjithatë, presidenti e ka justifikuar këtë shpenzim duke u shprehur se ligjvënësit duhet të kenë mundësitë për të lëvizur lirshëm. Zëdhënësi i Presidentit bëri të ditur se parlamentarët nuk mund të vazhdojnë të lëvizin me motorr.
Por duke pasur parasysh gjendjen e rrugëve, ndoshta do të ishte më mirë të investoheshin ato para për të bërë disa nga rrugët e papastra, praktike.
Komente
