Varri masiv në Izyum, trupat janë gjetur me duar të lidhura dhe litarë rreth qafës, Ukraina: Shumica janë civilë  

Shumica e trupave të njerëzve të gjendur në një varr masiv të zbuluar në qytetin lindor të Ukrainës, Izyum, janë civilë sipas Policisë së Ukrainës.

Autoritet ukrainase thanë se kishin gjetur një varr masiv me 440 trupa në Izyum dhe se kjo ishte provë e krimeve të luftës të kryera nga forcat ruse. Rusia ende nuk ka komentuar publikisht për këtë çështje. I pyetur nëse zona e Izyum përmbante kryesisht civilë apo ushtarë, shefi i policisë Ihor Klymenko tha në një konferencë shtypi:

“Në një vlerësim paraprak, civilë. Edhe pse kemi informacione se edhe atje ka ushtarë, ende nuk kemi gjetur asnjë të vetëm.”.

Reuters raporton se shumë trupa në varrin masiv janë gjetur me litar rreth qafës dhe duar të lidhura. Po ashtu, një prokuror në Ukrainë ka thënë se  trupat e gjetur në Izyum kanë shenja torture.

Lajmi kryesor:

Lufta/ Putini forcon mbrojtjen! Ukraina: Një varr masiv u gjet në Izyum, qytetin e çliruar! Kanë shenja torture, litarë rreth qafës dhe duar të lidhura

S.C/Shqiptarja.com

TAG:
• Izium
• Volodymyr Zelensky
• vladimir putin
• rusia sulmon ukrainen
• lufta ne ukraine