Vasilopita - Ëmbëlsirë tradicionale greke e Vitit të Ri

Përbërësit:

  • 500 gr miell
  • 3 lugë çaji pluhur pjekës
  • 250 gr gjalpë në temperaturë ambienti
  • 400 gr sheqer
  • 1 lugë çaji kanellë
  • 1/2 lugë çaji karafil pluhur
  • 2 vanilje
  • 5 vezë (të verdhat veç, të bardhat veç)
  • 1 majë luge çaji kripë
  • 1/2 lugë çaji sodë buke
  • 120 ml lëng portokalli
  • 120 ml qumësht
  • 80 ml konjak
  • 200 gr arra të grira trashë
  • Lëkura e grirë e 1 portokalli
  • Sheqer pluhur për dekorim

Përgatitja:

Sitni miellin bashkë me pluhurin pjekës dhe lëreni mënjanë. Ngrohni furrën në 170°C, me rezistencë sipër-poshtë. Lyeni mirë me gjalpë një tavë rrethore 28 cm dhe shtroni letër furre në fund. Në tasin e mikserit rrihni gjalpin me sheqerin derisa masa të bëhet kremoze dhe e ajrosur. Shtoni kanellën, karafilin, vaniljet dhe lëkurën e portokallit. Shtoni të verdhat e vezëve një e nga një, duke i rrahur mirë pas çdo shtese. Në një enë tjetër rrihni të bardhat e vezëve me kripën derisa të formohen maja të buta. Lërini mënjanë. Ulni shpejtësinë e mikserit. Shkrini sodën në lëngun e portokallit dhe shtojeni në përzierje. Shtoni miellin, qumështin dhe konjakun, duke filluar dhe përfunduar me miell. Përfshini arrat e grira. Shtoni marengën gradualisht dhe përziejeni butë me spatul, me lëvizje nga poshtë-lart, që masa të mos ulet. Hidhni përzierjen në tavë dhe vendosni monedhën. Piqeni për 55–60 minuta. Lëreni të qëndrojë 15 minuta në tavë, më pas nxirreni dhe lëreni të ftohet plotësisht. Spërkateni me sheqer pluhur përpara servirjes.