POP 5

Lajmet më të lexuara të 5 minutave të fundit

Sociale

Vazhdon puna në Unazën e Madhe, banorët e Astirit mbajnë fjalën, largojnë orenditë nga objektet pa leje

Vijon puna e Inspektoriatit për Mbrojtjen e Territorit i Bashkisë së Tiranës, për të prishur ndërtimet pa leje në zonën e Astirit, ndërkohë që ditën e sotme dy banorë në mënyrë vullnetare kanë pranuar të zhvendosin orenditë e tyre për ti hapur rrugë projektit të ndërtimit të Unazës së Madhe, në kryeqytet.

Vazhdon puna në Unazën e Madhe, banorët e Astirit mbajnë fjalën, largojnë orenditë nga objektet pa leje

Pamje nga punimet në zonën e Astirit

Dy ditë më parë, gjatë një takimi informal që patën me kryebashkiakun Erion Veliaj, disa banorë të Astirit, kryesisht të ardhur nga zonat jugore të vendit, si Skrapari, Tepelena apo Korça i dhanë fjalën se do t’i prishnin vetë ndërtimet pa leje për t’i hapur rrugë zhvillimit të projektit të Unazës së Madhe.

Sot ata e kanë mbajtur fjalën dhe kanë nisur vetë, në mënyrë vullnetare të bëjnë zhvendosjen e orendive dhe materialeve të tjera nga objektet që posedojnë për t’i hapur rrugë më pas prishjes së tyre nga Inspektorati i Mbrojtjes së Territorit i Bashkisë Tiranë.

Një prej tyre është edhe Servet Merko nga Tepelena, i cili gjatë takimit me kryebashkiakun Veliaj u shpreh se nuk do të bëhej pengesë e zhvillimit, pasi ky projekt u shërben gjithë qytetarëve të Tiranës dhe në mënyrë të veçantë brezave të ardhshëm.

Ndërkohë që paralelisht me këtë, IMT ka vijuar normalisht punën duke prishur edhe gjatë paradites së sotme disa objekte të tjera përgjatë lotit 2 dhe 3 të Unazës së Madhe, në afërsi të Astirit.

Siç shihet edhe nga pamjet, makineritë e IMT-së ka bërë shembjen e disa objekteve, ndërsa kanë vijuar edhe me evadimin e mbetjeve inerte. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça