Gjatë një fjalimi emocionues përballë Komitetit për Marrëdhëniet me Jashtë në Senatin amerikan, Kutcher ka kërkuar që të bëhet më shumë kundër abuzimit te fëmijëve.
39-vjeçari ka themeluar në vitin 2009, së bashku me ish bashkëshorten e tij organizatën “Thorn: Digital Defenders of Children”, e cila krijon programe kompjuterike për të luftuar trafikimin e qenieve njerëzore.
Gjatë fjalës së tij përballë Komitetit për Marrëdhëniet me Jashtë, aktori, baba i dy fëmijëve ka zbuluar se e ka ndjekur këtë çështje nga afër.
“Si pjesë e punës time kundër trafikut, kam takuar viktima nga Rusia, India, viktima që janë trafikuar nga Meksiko, nga New York dhe nga gjithë SHBA-të. Kam parë gjëra që asnjë njeri nuk duhet t’i shoh kurrë. Kam parë video të fëmijëve në të njëjtën moshë me fëmijët e mi, që po abuzoheshin nga meshkuj amerikan, të cilët kanë qenë turist seksi në Kamboxhia”, është shprehur aktori.
![](https://www.shqiptarja.com/template/img/sh_logo1.png)