Një video e cila pretendohet se shfaq momentet e fundit të pilotit rus të avionit Su-25 që u qëllua dhe u rrëzua në Siri të shtunën është publikuar në rrjet. Në të duken disa milicë arab-folës që rrethojnë një burrë i cili thotë një fjali në rusisht përpara se të hedhë një granatë.

Video, e cila u shfaq fillimisht në një kanal në arabisht në YouTube i quajtur IDLIB+, tregon milicët e armatosur duke avancuar në drejtim të pozicionit të pilotit. Peizazhi duket se përkon me atë të një video të mëparshme ku milicët ishin duke festuar me trupin e vdekur të pilotit.

Teksa milicët po rrethonin pilotin, dëgjohet zëri i një burri të ulërasë në rusisht “Kjo është për ju çuna!”. Menjëherë më pas dëgjohet një shpërthim dhe një shtëllungë tymi shihet të ngrihet nga prapa shkëmbit. Nuk është e qartë mbeti i vrarë apo i plagosur ndonjë prej milicëve nga shpërthimi.

Më herët, ministria ruse e Mbrojtjes, konfirmoi se piloti, i identifikuar nga burime jozyrtare si majori Major Roman Filipov, u vra “gjatë luftimeve me terroristët.” Avioni luftarak i Filipovit, i tipit Su-25, u rrëzua në provincën e Idlibit në Siri të shtunën. Filipovi arriti t’i mbijetonte rrëzimit duke u hedhur me parashutë nga avioni, por më pas u vra duke luftuar terroristët në terren.

s.k/Shqiptarja.com