VD/Rrahën gazetarin Elvi Fundo
ja momenti kur largohen autorët

Policia e Tiranës ka publikuar videon e autorëve që dhunuan gazetarin Elvin Fundo disa ditë më parë pranë Stacionit të Trenit në Tiranë. 

Në pamje duken dy persona teksa largohen me vrap pasi kanë goditur gazetarin. Edhe pse me kapuç në kokë, një prej dhunuesve duket qartë në fytyrë, çka mund të lehtësojë identifikimin e tij, pas bërjes publike të këtyre pamjeve.

Policia kërkon ndihmën e qytetarëve për zbulimin e identifikimit të të autorëve. 

Përmes një deklarate për mediat, Policia e Shtetit njofton se ofron 500 mijë lekë për informacion të vlefshëm që do të ndihmojë për identifikimin e autorëve, duke kontaktuar në numrin e emergjencave 112 ose numrat e telefonit 0694110202 dhe 0694100134.

Gazetari dhe drejtuesi i portalit CityNews u dhunua barbarisht një javë më parë nga dy persona. 

Ai u qëllua me sende të forta në fytyrë dhe trup, duke i shkaktuar plagë të rënda. Në një reagim të tij nga spitali, Elvi Fundo deklaroi për Report Tv se dhuna ndaj tij nuk ishte sulm politik, por për shkak të disa shkrimeve të tij te CityNews për lidhjet e krimit dhe drogës me disa pronarë mediash në vend. 

[gallery]21502[/gallery]
Njoftimi i policisë:
"Policia e Tiranes fton qytetaret te ndihmojne për identifikimin e dy autoreve te dyshuar qe shfaqen ne pamjet qe po publikojme, të cilët ne datë 8 mars 2017, rreth orës 10:30, në rrugën “Asim Vokshi”, pranë stacionit të autobuzave, kanë goditur me mjete të forta gazetarin E. F., i cili ndodhet jashtë rrezikut për jetën. 

Policia e Shtetit ofron 500 mijë lekë për informacion të vlefshëm që do të ndihmojë për identifikimin e autorëve, duke kontaktuar në numrin e emergjencave 112 ose numrat e telefonit 0694110202 dhe 0694100134.

Policia e Tiranës siguron ruajtjen e konfidencialitetit".

Redaksia Online
l.q/Shqiptarja.com