VD/ Tërmeti 7.1 ballë 'gjunjëzon'
Meksikën,mbi 248 viktima

Një tërmet i fortë ka goditur Meksikën qendrore, duke shkaktuar mbi 248 njerëz dhe duke rrënuar dhjetra ndërtesa në kryeqytetin, Mexico City i cili është tashmë i gjunëzuar para katastrofës natyrore.

Forcat e shpëtimit po kërkojnë nëse mund të ketë të mbijetuar nën rrënoja teksa zyrtarët paralajmërojnë se numri i viktimave mund të jetë dramatik deri në 1 mijë.

Tërmeti 7.1 magnitudë shkaktoi dëme katastrofike në shtetet Morelos dhe Puebla ndërsa qytetarë të shumtë të mbërthyer nga paniku dolën në rrugë.

Aktualisht rreth 4 milion njerëz kanë mbetur pa energji elektrike duke shkaktuar kaos në shumë pjesë të qytetit.

[gallery]23954[/gallery]
Tragjedi në shkollë, 20 fëmijë të vdekur

Shkatërrimi i një shkolle, nga sa pohoi vetë presidenti Enrique Pena Nieto, i ka marrë jetën 20 fëmijëve, ndërsa 30 të tjerë rezultojnë të zhdukur. 

“Është një shkollë në jug të qytetit, një shkollë private, pjesa më e madhe e së cilës është rrënuar sërish. Për fat të keq, kanë humbur jetën fëmijë të vegjël që nga klasa e parë e shkollës fillore. 22 trupa janë gjetur deri tani atje, dy janë të rritur. Me dhjetëra fëmijë nuk gjenden ende. Ekipet e emergjencës janë angazhuar maksimalisht në përpjekjet e kërkim-shpëtimit. Në atë zonë janë zhvendosur më shumë se 500 persona, ushtarë e marinsë”, tha Presidenti i vendit.



[gallery]23947[/gallery]
Epiqendra e tërmetit të fundit ishte pranë Atencingo në shtetin Puebla, rreth 120 km nga Mexico City, me një thellësi prej 51 km.

Goditja katastrofike erdhi pikërisht teksa qytetarët perkujtonin tërmetin e vitit 1985 dhe tërmetin që goditi në fillim të muajt vendin duke lënë me qindra viktima.

Presidenti i Meksikës Nieto menjëherë u kthye në kryeqytet duke kërkuar mbledhjen urgjente te Komitetit te Shërbimeve.

Presidenti Trump ishte ndër të parët lider që menjëherë shpreu ngushëllimet për jetët e humbura.