POP 5

Lajmet më të lexuara të 5 minutave të fundit

Politikë

Vdekja e 17-vjeçarit, PD protestë
tek bashkia: Të zbardhet ngjarja

Simpatizantë të Partisë Demokratike kanë protestuar para Bashkisë së Tiranës, ku kanë kërkuar që të zbardhet e vërteta për vdekjen e 17-vjeçari, Ardit Gjoklaj në landfillin e Sharrës. Në këtë protestë të organizuar nga PD, ishin të pranishëm edhe familjarë të 17-vjeçarit.  VIDEO
 
Partia Demokratike ka protestuar sot para Bashkisë së Tiranës, për vdekjen e 17-vjeçarit  Ardit Gjoklaj në landfillin e Sharrës.
 
Partia Demokratike dhe familjarët e Arditit, kërkuan drejtësi për zbardhjen e të vërtetës.
 
Në protestën që zgjati rreth 20 minuta, anëtarë të Këshillit Bashkiak të PD-së dhe simpatizantë të kësaj force politike, u shprehën se duhet të zbulohet kush është përgjegjës, për vdekjen e Ardit Gjoklajt

‘Unë dua drejtësinë e vëllait tim. Vëllain tim e kanë masakruar e pastaj e kanë fshehur për të mos e treguar” tha vëllai i Arditit.

Ndërsa Ervin Salianji u shpreh se, “Kauza e Arditit është një kauzë për gjithë shoqërinë shqiptare. Kauza e Arditit është një kauzë që tregon nëse në këtë vend drejtësia është për të bërë drejtësi, apo drejtësia është për më të dobëtin’.

17-vjeçari Ardit Gjoklaj humbi jetën në datën 7 gusht dhe sipas hetimeve, dyshohet se është vrarë aksidentalisht nga eskavatori.
 
Më herët Bashkia e Tiranës tha se PD kërkon të bëjë politikë me fatkeqësitë e qytetarëve.

Redaksia Online
(F.T/shqiptarja.com)

/Shqiptarja.com
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Arjan Hoxha nga selia blu: Rakip Suli ka dhënë leje ndërtimi në një zonë të shpallur të rrezikshme nga institucionet e shtetit, SPAK ta hetojë!

Arjan Hoxha nga selia blu: Rakip Suli ka dhënë leje ndërtimi në një zonë të shpallur të rrezikshme nga institucionet e shtetit, SPAK ta hetojë!

27 Dhjetor, 20:03