Vdekja e 3-vjeçares në Elbasan, nën hetim mjeku për neglizhencë në trajtimin mjekësor

Mjeku Gentian Alla

Mjeku Gentian Alla

ELBASAN- Edhe pse familjarët e 3-vjeçares në Elbasan nuk ngritën asnjë pretendim për neglizhencë të mjekëve, hetimet e policisë kanë vërtetuar të kundërtën. Gentian Alla, ditën kur vajza ka shkuar në spitalin rajonal e që më pas ndërroi jetë, ka qenë mjek dhe sipas uniformave blu nuk i ka dhënë ndihmën e duhur mjekësore. Për pasojë, sot 47-vjeçari është vënë në hetim për veprën penale “Neglizhenca në trajtimin mjekësor”.

"Nga specialistët për Hetimin e Krimit në Komisariatin e Policisë Elbasan u procedua penalisht për veprën penale “Neglizhenca në trajtimin mjekësor”, shtetasi G. A., 47 vjeç, banues në Elbasan, me detyrë mjek në Spitalin Rajonal Elbasan, pasi ditën e djeshme është dërguar në spital, në gjendje të rëndë për jetën, një shtetase e mitur 3 vjeçe, e cila pas disa orësh dyshohet se ka ndërruar jetë për shkak të neglizhencës në trajtimin mjekësor.

Vajza me inicialet, A.I ndërroi jetë të hënën 17 janar, e ndërsa në spital kishte shkuar 2 para (15 janar), e që sipas babait të vajzës, mjeku i kishte thënë se 3-vjeçarja ishte me virozë dhe i kishte dhënë disa ilaçe.

'E çova për vizitë, më tha mjeku; virozë. Më dha një qese me ilaçe e ikëm në shtëpi. Dje u bë keq,  filloi t’i nxihej buza. E solla në spital, i bënë dy bidonë me serum, por goca vdiq.'- tha babi i vajzës një ditë më parë. 

Nga të dhënat paraprake dyshohet se shkak i vdekjes është ftohja e rëndë, referuar edhe deklaratës së bërë më herët në Report TV të shefes së Pediatrisë në spitalin e Elbasanit Irena Palloshi ku tha se dyshohet se kemi të bëjmë me Pneumonia bilaterale (Infeksion tek të dyja mushkëritë) dhe Insufiçence respiratore akute. 1642678625_1642675655alla2.jpg

Mjeku Alla

B.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhixhi: 20/01/2022 14:31

    Ne burg mafiozet me bluza te bardha

    Përgjigju
  • Sondazhi i ditës:

    A bënë zgjedhjen e duhur demokratët duke rikthyer në krye Sali Berishën?



×

Lajmi i fundit

John

Kremlini: Perëndimi shkaktoi krizën globale të ushqimit