Vdekja e aktori Alain Delon, Macron: Më shumë se një yll, monument francez! Le Parisian: Një legjendë e kinemasë

Figura të njohura bënë homazh ikonës të filmit francez, Alain Delon, i cili ndërroi jetë në shtëpinë e tij në periferi të Parisit, i rrethuar nga tre fëmijët dhe familja e tij, në moshën 88-vjeçare, sipas “The Independent”.

I konsideruar si “Brigitte Bardot mashkull”, Delon shpesh ka luajtur rolin e zemrave romantike në klasiket si, “Plein Soleil”, “Le Samouraï” dhe “Rocco and His Brothers”.

Presidenti francez Emmanuel Macron tha se, aktori luajti role legjendare dhe e bëri botën të ëndërronte, gjë që e forcoi figurën e tij si një ikonë kombëtare. “Melankolik, popullor, i fshehtë, ai ishte më shumë se një yll, ai ishte një monument francez”, shkroi Macron në platformën X.

“Ne besojmë se ai ishte i pavdekshëm, talenti i tij, karizma e tij, atmosfera e tij e bënë atë të destinuar për një karrierë në Hollyëood në një moshë të re, por ai zgjodhi Francën”, tha ne X ministrja franceze e Kulturës.

Në fillim të këtij viti, djali i tij Anthony tha se Delon ishte diagnostikuar me limfomë të qelizave B, një lloj kanceri. Aktori kishte qenë në gjendje të keqe shëndetësore vitet e fundit, dhe kishte pësuar një goditje në 2019. Gazeta “Le Parisian” e quajti Delon “një legjendë të kinemasë”, ndërsa “Liberation” e përshkroi atë si “një figurë udhëheqëse e kinemasë, simbol i mashkullorisë, aktor me karizëm të çmendur”. “Mirupafshim mik.

Një koleksion i mrekullueshëm filmash, një personalitet i jashtëzakonshëm dhe magjepsës. Bukuria nuk mjafton për të shpjeguar evolucionin e jashtëzakonshëm të talentit të tij. Ai ishte ylli i fundit. Samurai”, shkroi shkrimtari dhe regjisori francez Philippe Labro, pas lajmit për vdekjen e tij.

Me sy të mrekullueshëm blu, Delon nganjëherë përmendej si “Frank Sinatra francez” për pamjen e tij të bukur. 

M.Q./Shqiptarja.com

TAG:
• alain delon
• france