Deputeti i PD, Tritan Shehu ka reaguar në Facebook pas djegies së flamurit francez nga protestuesit në Shkodër në shenjë revolte pas vdekjes së 23-vjeçarit Florenc Beqiri. Tritan Shehu thotë se duhen djegur fotot e Kryeministrit dhe Ministrave tanë, jo flamuri i Francës, që e konsideron si mike të Shqipërisë.

“Shkaku duhet kërkuar te gjendja e rëndë ekonomike e sociale në vend, te humbja e shpresës për të ardhmen. Janë me qindra mijëra pjesë e këtij eksodi masiv shqiptar, më shumë se në fillim të viteve 90-te’ thotë ai ndër të tjera.

Protestuesit sot në Shkodër dogjën flamurin francez gjatë tubimit, duke shënuar kështu incidentin e dytë pas atij të të disa të rinjve nga Librazhdi të cilët gjithashtu i vunë flakën flamurit tre ngjyrësh. 

Statusi i Tritan Shehut
Duhen djegur fotot e Kryeminstrit e Ministrave tane, jo Flamuri i Frances Mike e Demokratike!

Nje ngushellim i thelle per humbjen e jetes se re te Florencit!

Shkaku duhet kerkuar te gjendja e rende ekonomike e sociale ne vend, te humbja e shpreses per te ardhmen. Jane me qindra mijra pjese e ketij eksodi masiv shqiptar, me shume se ne fillim te viteve 90-te.

Shkaku eshte keq qeverija ne Shqiperi, korrupsioni, droga e krimi qe mbulojne vendin.

Nqs ne France dikush ka vepruar ne kundershtim me ligjin apo te drejtat universale, pa asnje dyshim e verteta do te zbardhet.

Fatkeqesisht kjo rendom nuk ndodh te ne.

dy.b/shqiptarja.com