POP 5

Lajmet më të lexuara të 5 minutave të fundit

Kronikë

Vdekja e foshnjes në Durrës, flet mjekja që priti lindjen: Bëmë gjithçka, ekspertiza do nxjerrë të vërtetën

Mjekja që priti lindjen e foshnjes në Durrës, Dhurata Beshello, reagon pas denoncimit të prindërve të cilët e akuzojnë atë për pakujdesi. Mjekja thotë se foshnja lindi me probleme dhe nuk reagoi pas reanimimit.

Dhurata Beshello, është mjekja e Spitalit të Durrësit e cila priti lindjen e foshnjes që humbi jetën një ditë më parë në këtë spital. Në një reagim për mediat, mjekja thotë se nga ana e saj, por edhe spitalit është bërë gjithçka për të mbajtur beben në jetë. 

Sipas saj, foshnja lindi me probleme, ndërsa nuk reagoi edhe pas reanimit të gjatë që iu bë në spital. Beshello thotë gjithashtu se në trupin e foshnjes u konstatua thyerje e kockave, duke nënkuptuar një anomali të rrallë, por megjithatë do jetë ekspertiza ajo që do saktësojë shkaqet e vdekjes së foshnjes.  

Është kontradiktore që populli na vlerëson dhe populli edhe na kundërshton apo sulm,on. Përpara katër ditësh ka lindur një fëmijë lindje me operacion. Lindi një fëmijë i lodhur, nuk qau në momentin e lindjes megjithë reanimimin e mundshëm me të gjitha mjetet që ne kemi në dispozicion, ekipi i neanotolo-gjisë, jam mjekja që prita fëmijën. Ne u përpoqëm shumë, reanimimi vazhdoi gjatë, por edhe pas gjysmë ore fëmija nuk dha asnjë shenjë. Në momentin e lindjes kikshte vetëm rrahje zemre dhe pas reanimimit duke i dhënë oksigjen, i dhamë një ngjyrë rozë. Problemet do t'i shqyrtojmë një nga një.

Gjendja vijoi e tillë edhe pse e futëm në një repart më të avancuar, ai përsëri mbeti në atë gjendje. Në ditën e tretë u hoq ky aparat, u duk sikur fëmija e toleroi lehtësisht oksigjenin dhe u vu në mënyrë tjetër, por filloi të shfaqë probleme të tjera si kontraktura si pasojë e vuajtjes së trurit ëpr shkak të oksigjenit të limituar. Me të gjitha mundësitë, jemi konsultuar edhe më mjekët e maternitetit të Gjinekologjisë së "Mbretëreshës Geraldinë" dhe rezultoi që të gjitha i ishin bërë në mënyrë të rregullt. Gjendja sa vinte dhe rëndohej.

Në ditën e katërt, në orë 8 thirrem nga personeli dhe ngjitem lart, në atë moment fëmija ndërroi jetë. Janë bërë analiza, nuk kishte hemorragji në tru. Gjatë ekzaminimit është konstatuar se fëmija kishte edhe fraktura, thyerje të kockave. Natyrisht, edhe ne nuk jemi të gabueshëm e mund të vërtetohet diccka që nuk e kemi bërë, por unë kam qenë nga fillimi e deri në fund. Të gjithë mjekët ishin në të njëjtin mendim për problemet që bebi kishte kaluar. Ne po presim të dalë ekspertiza. 

Dhurata Beshello, mjekja që priti lindjen e foshnjes në Durrës


Lajmi kryesor:

Durrës, vdes foshnja 4 ditë pas lindjes, familjarët akuzojnë mjekët. Reagon Spitali: Lindi me sëmundje të rrallë
/b.ha./Shqiptarja.com
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça